सध्या लग्नसराई सुरू असल्याने सोन्याच्या दागिन्यांना मोठी मागणी आहे. दररोज कोट्यवधी रुपयांची आर्थिक उलाढाल होत आहे. आज सोन्याच्या दरात किंचित वाढ झाली आहे.
जळगावच्या सराफ बाजारात सोन्या आणि चांदीच्या दरात वाढ झाली आहे. सलग तीन दिवस मोठ्या घसरणीनंतर सोन्या आणि चांदीच्या दरात वाढ झाली आहे.
जळगाव सराफा बाजारात सोन्याच्या दरात 1 हजार रुपयांची तर चांदीच्या दरात तब्बल 4 हजार रुपयांची वाढ झाली आहे, त्यामुळे खरेदीदारांना जास्तीचे पैसे मोजावे लागले आहेत.
सोन्याचा आजचा एक तोळ्याचा दर जीएसटीसह 1 लाख 56 हजार रुपयांवर पोहोचला आहे. म्हणजेच एका ग्रॅमसाठी 15600 रुपये मोजावे लागत आहेत.
जळगाव सराफा बाजारात एक किलो चांदीचा दर जीएसटीसह 2 लाख 56 हजार 470 रुपयांवर पोहोचला आहे. आखातातील तणावामुळे आगामी काळात या दोन्ही धातूंचे दर आणखी बदलण्याची शक्यता आहे.
Leave a Reply