Ghabadkund : ‘राजा शिवाजी’ सिनेमानंतर मराठी सिनेविश्वात ‘अच्छे दिन’, ‘घबाडकुंड’ची 5 दिवसांत बक्कळ कमाई

Ghabadkund Box Office Collection : सस्पेंस थ्रिलर मराठी ‘घबाडकुंड’ सिनेमाचा ट्रेलर लॉन्च झाला तेव्हापासूनच प्रेक्षक सिनेमाच्या प्रतिक्षेत होते. अखेर ‘घबाडकुंड’ सिनेमा 19 जून रोजी मोठ्या पडद्यावर प्रदर्शित झाला आणि प्रदर्शित होताच सिनमाने बक्कळ कमाई करण्यास सुरुवात कलेली आहे. प्रेक्षकांकडून देखील सिनेमाला चांगला प्रतिसाद मिळत आहे… सिनेमात संदीप पाठक, देवदत्त नागे, शशांक शेंडे, प्राजक्ता हनमघर यांसारख्या लोकप्रिय कालाकारांनी भूमिका साकरल्या आहेत. सर्वात महत्त्वाचं सांगायचं झालं तर, फक्त 6 कोटींच्या बजेटमध्ये तयार करण्यात आलेला ‘घबाडकुंड’ सिनेमा बॉक्स ऑफिसवर धमाकेदार कामगिरी करताना दिसत आहे… तर जाणून घ्या सिनेमाने पाच दिवसांत किती कोटी रुपयांची कमाई केली आहे.

‘घबाडकुंड’ सिनेमाचं पाच दिवसांचं बॉक्स ऑफिस कलेक्शन

‘सॅकनिल्क’च्या रिपोर्टनुसार, ‘घबाडकुंड’ सिनेमाने पाचव्या दिवशी 43 लाख रुपयांची कमाई केली. पहिल्या दिवशी या सिनेमाने 42 लाख रुपये कमावले होते. दुसऱ्या दिवशी सिनेमाच्या कमाईत वाढ होऊन 76 लाख रुपयांचा गल्ला सिनेमाने जमवला. तिसऱ्या दिवशी सिनेमाने 1.25 कोटी रुपये कमावले. चौथ्या दिवशी सिनेमाची कमाई 49 लाख रुपये इतकी होती. या सिनेमाने एकूण 3.35 कोटी रुपयांची कमाई केली आहे. म्हणजे सिनेमाने आतापर्यंत 55.83 कोटी रुपयांची कमाई केली आहे. आता येत्या दिवसांत सिनेमा किती कोटी रुपयांपर्यंत मजल मारेल पाहणं महत्त्वाचं ठरणार आहे.

‘घबाडकुंड’ सिनेमाचं दिग्दर्शन प्रीतम एसके पाटील यांनी केलं आहे. तर सिनेमाची निर्मिती रसिक कदम यांनी केली आहे. तर सिनेमात अहमद देशमुख, कुशल बद्रीके, प्रवीण डाळिंबकर, वैष्णवी कल्याणकर, आरोही भोईर, साहिल अन्नालदेवर आणि स्मिता पेगुडे यांनी देखील महत्त्वाची भूमिका साकारली आहे. सिनेमा माऊथ पल्बिसीटीच्या माध्यमातून देखील लोकांपर्यंत पोहोचत आहे..

‘राजा शिवाजी’ सिनेमानंतर मराठी सिनेविश्वाला ‘अच्छे दिन’

अभिनेता रितेश देशमुख स्टारर आणि दिग्दर्शित ‘राजा शिवाजी’ सिनेमाने बॉक्स ऑफिसवर 130 कोटी रुपयांचा गल्ला पार केला. 100 कोटी रुपयांचा गल्ला पार करणारा ‘राजा शिवाजी’ सिनेमा मराठी सिनेविश्वातील पहिला सिनेमा ठरला आहे. त्यानंतर ‘देऊळ बंद 2’ सिनेमाने देखील तगडी कमाई केली. फक्त 10 कोटी रुपयांच्या बजेटमध्ये तयार झालेल्या सिनेमाने जगभरात 90 कोटींची कमाई केली. एवढंच नाही तर, ‘तुम्बाडची मंजुळा’ सिनेमाची बॉक्स ऑफिसवरील पकड मजबूत आहे.

Source link