फिफा वर्ल्डकप 2026 स्पर्धेच्या पहिल्या उपांत्य फेरीच्या सामन्यात फ्रान्स आणि स्पेन भिडणार आहेत. हे दोन्ही संघ जेव्हा मागच्या स्पर्धेत भिडले होते तेव्हा दणादण गोल मारले होते. विशेष म्हणजे त्या उपांत्य फेरीच्या सामन्यात स्पेनने फ्रान्सला पराभूत केलं होतं. (Photo: Getty Images)
UEFA Nations League 2025 स्पर्धेच्या उपांत्य फेरीत फ्रान्स आणि स्पेन भिडले होते. तेव्हा एका पाठोपाठ एक करत 9 गोल मारले होते. सामन्याचा अर्ध्याहून अधिक वेळ स्पेनच्या बाजूने एकतर्फी होता. फ्रान्सने पहिला गोल 59व्या मिनिटाला केला. यापूर्वी स्पेनने 4 गोल मारले होते. (Photo: Getty Images)
स्पेनने 67व्या मिनिटला पाचवा गोल मारला आणि 5-1 ने आघाडी घेतली. त्यानंतर फ्रान्सकडून गोल पाहायला मिळाले. फ्रान्स एका पाठोपाठ एक तीन गोल मारले आणि 5-4 अशी स्थिती आणली. पण हा सामना स्पेनने एका गोलच्या फरकाने जिंकला. (Photo: Getty Images)
फ्रान्स आणि स्पेन पुन्हा एकदा उपांत्य फेरीत आमनेसामने आले आहेत. पण यावेळी फिफा वर्ल्डकप 2026 स्पर्धा आहे. स्पेनने 16 वर्षानंतर उपांत्य फेरी गाठली आहे.यापूर्वी 2010 मध्ये जेतेपद मिळवलं होतं. यंदाही स्पेनकडून तशाच कामगिरीची अपेक्षा आहे. (Photo: Getty Images)
स्पेनचा लॅमिन यामाल नॉकआऊट सामन्यात फ्रान्सच्या कायलियन एमबाप्पेच्या संघाकडून कधीही पराभूत झालेला नाही. तर एमबाप्पेने फिफा विश्वचषक कारकिर्दीत एकही नॉकआऊट सामना गमावलेला नाही. त्यामुळे आता कोण बाजी मारते? हे पाहणं औत्सुक्याचं ठरेल. (Photo: Getty Images)
Leave a Reply