FIFA: या संघात देशाचे खेळाडू सोडा, स्वत:चा कोचही नाही! शालेय बसमधून थेट वर्ल्डकप स्पर्धेत आणि नोंदवला गोल

Curacao, FIFA World Cup 2026: फिफा वर्ल्डकप 2026 स्पर्धा रंजक कथांनी भरलेला आहे. कारण प्रत्येक संघाची काही ना काही कहाणी आहे. असाच एक संघ या स्पर्धेत पहिल्यांदा उतरला आहे. कुरासाओ हा देश पहिल्यांदाच फिफा वर्ल्डकप स्पर्धा खेळत आहे. या स्पर्धेत जर्मनीविरुद्धच्या सामन्यात 7-1 पराभवाची धूळ चाखावी लागली. पण पदार्पणाच्या सामन्यात मारलेल्या एका गोलची नोंद इतिहासात झाली आहे. यापूर्वी कुरासाओने कधीच फिफा वर्ल्डकप स्पर्धा खेळली नव्हती. फिफा वर्ल्डकप स्पर्धेत खेळणारा कुरासाओ एक छोटा देश आहे. हा देश कॅरेबियन बेटांवरील आहे. या देशाची लोकसंख्या जवळपास दीड लाखांच्या आसपास आहे. कुरासाओ देश इतका छोटा आहे की, अवघ्या 50 मिनिटात पूर्ण देश फिरून होईल. असं असताना या स्पर्धेत कुरासाओ उतरला खरा पण खेळाडूही त्यांच्या देशाचे नाहीत.

खेळाडू आणि कोचही देशाचे नाहीत

फिफा वर्ल्डकप स्पर्धेत पहिल्यांदा खेळणाऱ्या कुरासाओ संघात एक खेळाडू सोडला तर बाकीचे सर्व खेळाडू नेदरलँडचे आहेत. ताहित चाँग हा एकमेव खेळाडू कुरासाओ देशाचा आहे. त्याचा जन्म कुरासाओमध्ये झाला, पण नंतर नेदरलँडमध्ये शिफ्ट जाला. ताहित रॉटरडमध्ये लहानाचा मोठा झाला आणि अंडर 21 फुटबॉल संघातून खेळला आहे. खेळाडूंसोबत कुरासाओ देशाचा कोचही स्वत:च्या देशाचा नाही. कोच डिक एडवोकाट हे सुद्धा नेदरलँडचे आहे. त्यामुळे कुरासाओचा संघ हा नेदरलँडचा ब संघ आहे असं म्हंटलं तर चुकीचं ठरणार आहे. डिक एडवोकाटे मुलीची तब्येत खालावल्याने कुरासाओ संघाचं प्रशिक्षकपद सोडलं होतं. पण मे महिन्यात पुन्हा एकदा कोचिंग सुरू केलं. तसेच प्रशिक्षक म्हणून फीफा वर्ल्डकप खेळण्याचं स्वप्न पूर्ण केलं.

कुरासाओ संघात सर्वाधिक नेदरलँडचे खेळाडू का?

कुरासाओ 2010 पासून किंगडम ऑफ नेदरलँडच्या अधिपत्याखाली आहे. त्यामुळे संघावर नेदरलँडचा प्रभाव दिसत आहे. या कारणामुळेच संघात नेदरलँडचे खेळाडू खेळत आहेत. कुरासाओचा खेळाडू जुनिन्हो बाकुनाने उघडपणे कबूल केले की, नेदरलँड्सकडून खेळण्याची संधी मिळणार नाही हे माहीत होते, म्हणून त्याने कुरासाओची निवड केली.

 

View this post on Instagram

 

A post shared by Benched (@benchednation)

कुरासाओ संघ एका जुन्या शालेय बसमधून फिफा वर्ल्डकप स्पर्धेत खेळण्यासाठी सज्जा झाला आहे. या बसला धड खिडक्यासुद्धा नव्हत्या. फिफा विश्वचषकातील कुरासाओ संघात भविष्यात कशी कामगिरी करेल हे येत्या काही सामन्यानंतर कळेल. पण शालेय बसमधून त्यांचा झालेला प्रवेश अविस्मरणीय ठरला आहे.