दरवर्षी जून महिन्याच्या गुरुवारी ‘ग्लोबल फॅटी लिव्हर डे’ साजरा केला जातो. भारतात बहुतांशी लोक फॅटी लिव्हरचा आजाराचा त्रास सुरु आहे आणि अनेकांना या आजाराचा थांगपत्ता लागत नाही आणि जेव्हा समजते तेव्हा खूप उशीर झालेला असतो. दिल्ली स्टेट कॅन्सर इन्स्टिट्यूटने ( डीएससीआय ) स्पेअर सोसायटी सोबत मिळू ग्लोबल फॅटी लिव्हर डेचे आयोजन केले होते. यात सांगितले गेले की कशा प्रकारे फॅटी लिव्हरचा आजार कॅन्सरकडे जाऊ शकतो. या वेळी फॅटी लिव्हर आजाराचा वाढता प्रकार आणि याचा लिव्हर कॅन्सर, विशेष रुपाने हेपेटोलेलुलर कार्सिनोमा ( एचसीसी ) या आजारांशी असलेला संबंधाप्रति जारुकता वाढवण्यावर विशेष लक्ष पुरवण्यात आले.
फॅटी लिव्हर आजची सर्वात मोठी समस्या
यावेळी प्रसिद्ध गॅस्ट्रोएंटेरोलॉजी तसेच हेपेटोलॉजी तज्ज्ञ डॉ.नरेश अग्रवाल यांनी सांगितले की मेटोबोलिक डिसफंक्शन असोसिएटेड फॅटी लिव्हर डिसिज (एमएएफएलडी)ची प्रकरणे वेगाने वाढत आहेत. जर वेळी निदान आणि उपचार केला तर सिरोसिस आणि लिव्हर कॅन्सर सारख्या गंभीर आजारांना रोखता येते. फॅटी लिव्हर रोगाचे व्यवस्थापन, आव्हाने आणि नवीन उपचार पद्धती यावर देखील डॉक्टरांनी यावेळी चर्चा केली.
फॅटी लिव्हर आज जगातील सर्वात वेगाने वाढणाऱ्या लिव्हर रोगांपैकी एक आहे. जर वेळीच निदान, चांगली आरोग्य शैली आणि मेटाबोलिक जोखीम कारकांवर प्रभावी नियंत्रण मिळवले तर सिरोसिस आणि लिव्हर कॅन्सर सारख्या आजारांवर मोठ्या प्रमाणावर विजय मिळवता येईल. यासाठी जागरुकताच हे याच्या प्रसारास रोखण्याचे प्रभावी माध्यम असल्याचे डीएससीआयच्या विभागाध्यक्ष गॅस्ट्रोएटेरोलॉजीस्ट डॉ.पंकज त्यागी यांनी सांगितले.
फॅटी लिव्हर आणि लिव्हर कॅन्सरमध्ये कनेक्शन
संशोधनात हे स्पष्ट होत आहे की फॅटी लिव्हर रोग आणि लिव्हर कॅन्सरचा परस्पर खोल संबंध आहे. त्यामुळे जागरुकता, नियमित स्क्रीनिंग आणि वेळीच हस्तक्षेपाची गरज आधीपासून आता अधिक वाढली आहे. आरोग्य संस्थांची लोकांना आरोग्य साक्षर करण्याची त्यांना योग्य जीवनशैलीसाठी प्रेरित करण्याची जबाबदारी असल्याचे दिल्ली स्टेट कँसर इन्स्टिट्यूटच्या संचालक डॉ. सविता अरोडा यांनी सांगितले.
फॅटी लिव्हर आणि लिव्हर कॅन्सर यांचा संबंध शोधून आम्ही आरोग्य कर्मचारी आणि सर्वसामान्य जनता दोघांना त्याच्या लिव्हर आणि आरोग्याप्रती अधिक सजग आणि सक्रीय बनवण्यासाठी प्रेरित करु इच्छीतो असे हॉस्पिटलचे सह संचालक डॉ. रविंदर सिंह यांनी सांगितले. नियमित व्यायाम, संतुलित आहार, वजन नियंत्रण आणि वेळोवेळी आरोग्य तपासणीच्या माध्यमातून रोगांच्या अनेक केसेसना रोखता येऊन पहिल्याच स्टेजला ठीक केले जाऊ शकते.
Leave a Reply