केंद्रीय कर्मचारी भविष्य निधी संघटनेने (EPFO) काही मोठ्या कारणांमुळे सामाजिक सुरक्षा लाभ मिळत नसलेल्या कर्मचाऱ्यांसाठी एक मोठी संधी आणली आहे. कर्मचाऱ्यांना ईपीएफओच्या परीघात आणण्यासाठी कर्मचारी नोंदणी मोहिमेची (ईईसी) सुरूवात केली आहे. हे खास अभियान येत्या 31 ऑक्टोबरपर्यंत चालणार आहे. या स्पेशल ड्राईव्हतंर्गत कंपनी, मालकांना त्यांच्या पात्र कर्मचाऱ्यांची नोंदणी करता येणार आहे. त्यांना त्यासाठी एक खास संधी देण्यात येणार आहे.
कोणाला होणार फायदा?
ही मोहिम त्या कर्मचाऱ्यांसाठी खास आहे जे 1 एप्रिल 2009 ते 31 मार्च 2026 या दरम्यान EPF कव्हरेजसाठी पात्र होते. पण काही कारणांमुळे त्यांची नाव नोंदणी झाली नाही. या मोहिमेतंर्गत ईपीएफओकडे नोंदणी करण्याची अंतिम तारीख 31 ऑक्टोबर 2026 ही निश्चित केली आहे. या मोहिमेचा उद्देश पात्र कर्मचाऱ्यांना पीएफसोबतच पेन्शन आणि विम्याचा लाभ देणे हा आहे. या मोहिमेची सर्वात महत्त्वाची बाब म्हणजे, जर कर्मचार्याचे योगदान यापूर्वी नियोक्त्याने, कंपनीने वसूल केले नसले तर 1 एप्रिल 2009 ते 31 मार्च 2026 या कालावधीसाठी कर्मचार्याचा हिस्सा पूर्णपणे माफ केला जाणार आहे.
UMANG ॲपद्वारे ऑनलाईन घोषणा करणे आवश्यक
कर्मचाऱ्यांना UMANG ॲपद्वारे ऑनलाईन घोषणा करणे आवश्यक आहे. प्रादेशिक आयुक्त प्रशांत कुमार यांनी याविषयीची माहिती दिली. या योजनेचा लाभ घेण्यासाठी कंपनीने UMANG मधील ‘फेस ऑथेंटिकेशन’ तंत्रज्ञानाचा वापर करून UAN ची (युनिव्हर्सल अकाऊंट क्रमांक) नोंदणी करणे आवश्यक आहे. त्यासाठी ऑनलाईन घोषणा करणे आवश्यक आहे.
EPF क्लेमला उशीरा झाल्यास काय कराल?
ऑनलाईन EPF दावे सात ते दहा दिवसात निपटारा होतात. त्यासाठी कर्मचार्याची केवायसी प्रक्रिया पूर्ण झालेली असणे अत्यंत आवश्यक आहे. जर 20 दिवसांच्या आत क्लेम प्रोसेस झाले नाही तर सदस्य EPFiGMS पोर्टलवर याविषयी तक्रार दाखल करू शकतात. नवीन नियमानुसार, जर एखाद्या कारणामुळे वेळोवेळी जास्त उशीर होत असेल तर संबंधित अधिकार्याला वार्षिक 12% दराने व्याजाचा दंड बसू शकतो. तर येत्या दिवसात ईपीएफओ अधिक सुलभ आणि सुटसुटीत होणार आहे.
Leave a Reply