दिल्लीमध्ये सध्या विद्यार्थी आंदोलन सुरु आहे. या आंदोलना दरम्यान पोलिसांनी विद्यार्थ्यांवर लाठीचार्ज केल्याचा आरोप झाला. पोलीस आणि विद्यार्थ्यांमध्ये हिंसक झडपा झाल्या. पोलिसांवर आंदोलन दडपून टाकण्याचे आरोप झाले. या दरम्यान आता पोलिसांनी त्यांची बाजू मांडली आहे. आंदोलनादरम्यान अनेक ठिकाणी परिस्थिती हिंसक बनली असं पोलीस अधिकारी आणि जवानांनी दावा केला. पोलिसांवर सुद्धा हल्ले झाले. मिर्ची स्प्रे मारण्यात आला, दगडफेक झाली आणि काही ठिकाणी पोलिसांना मारहाण आणि लूटमारही झाली. जंतर-मंतरवर तैनात असलेले इंस्पेक्टर नंदकिशोर यांनी सांगितलं की, “आंदोलकांनी त्यांना जसं पोलिसी गणवेशात पाहिलं, ते उग्र झाले. आंदोलक लाठ्या-काठ्या घेऊन आलेले. पोलिसांना ते टार्गेट करत होते” माझी जवळपास दोन तोळ्याची चैन हिसकावून नेली. डोक्याला मार लागला असं इंस्पेक्टर नंदकिशोर यांनी सांगितलं.
दिल्ली पोलीस दलातील एसीपी विजय सिंह यांनी 20 जुलैच्या घटनेचा सुद्धा उल्लेख केला. तो व्हिडिओ सोशल मीडियावर व्हायरल होतोय. आंदोलकांनी त्या दिवशी माझ्यावर आणि माझ्या टीमवर मिर्ची स्प्रेची फवारणी केली. व्हायरल व्हिडिओमध्ये एका पोलीसाला जमावाने घेरलेलं. पळवून, पळवून त्याला मारलं.
चारही बाजूने घेरुन त्याला मारत होते
दिल्ली पोलिसांचा जवान खाली पडल्यानंतरही चारही बाजूने घेरुन त्याला मारत होते. मोठ्या मुश्किलिने प्राण वाचले. नंतर हाच व्हिडिओ इशारा म्हणून सोशल मीडियावर व्हायरल झाला, असा पोलिसांचा दावा आहे. दिल्ली पोलिसांनुसार ज्या दिवशी प्रदर्शन सुरु होतं, त्या दिवशी 4.30 वाजता जंतर-मंतरवर ड्यूटीवर तैनात असलेले एसीपी जय प्रकाश दगडफेकीत जखमी झाले. आंदोलकांनी फेकलेला दगड त्यांना येऊन लागला. त्यानंतर त्यांना उपचारासाठी रुग्णालयात नेण्यात आलं.
हल्ल्याची चौकशी सुरु
दिल्ली पोलिसांचं म्हणणं आहे की, त्यांची पूर्ण टीम कारवाई दरम्यान कायदा-सुव्यवस्था राखण्याचा प्रयत्न करत होती. हिंसाचार आणि पोलिसांवर झालेल्या हल्ल्याची चौकशी सुरु आहे. उपलब्ध व्हिडिओ आणि साक्षीच्या आधारावर कायदेशीर कारवाई केली जाईल. दिल्लीत कॉकरोच जनता पार्टीकडून आंदोलन सुरु आहे.
Leave a Reply