Bigg Boss 20 : दबंग स्टार, बॉलिवूडचा भाईजान अर्थात सलमान खान (Salman Khan) पुन्हा लवकरच छोट्या पडद्यावर दिसणार आहे. कारण सलमानचा बहुचर्चित रिॲलिटी शो ‘बिग बॉस’ (Bigg Boss 20) पुन्हा एकदा प्रेक्षकांचं मनोरंजन करण्यासाठी सज्ज झाला आहे. 6 सप्टेंबर 2026 पासून ‘बिग बॉस 20’ची सुरुवात होणार असल्याची चर्चा असून, यंदाच्या सीझनमध्ये नेमकं काय नवीन पाहायला मिळणार, याची उत्सुकता चाहत्यांध्ये आहे. सलमानचं होस्टिंग आणि शोमधील मसाला पाहण्यास चाहते खूप उत्सुक आहेत. विशेष म्हणजे, सलमान खानने एका प्रोमोमधून ‘एक्स्ट्रा जीवनदान’चा ट्विस्टही दाखवला आहे. नेहमीप्रमाणे, हा शो सुरू होण्याआधीच संभाव्य स्पर्धकांच्या नावांवरून सोशल मीडियावर जोरदार चर्चा रंगली आहे. विविध कलाकार, सोशल मीडिया स्टार्स आणि प्रसिद्ध व्यक्तींच्या नावांनंतर आता एका अशा व्यक्तीचं नाव समोर आलं आहे, ज्यामुळे या चर्चेला अचानक वेगळंच वळण मिळालं आहे. कारण आता यामध्ये आता ललित मोदी यांचं नाव समोर आले आहे. त्यामुळे सोशल मीडियापासून मनोरंजनविश्वापर्यंत या चर्चेला चांगलाच रंग चढला आहे.
ललित मोदींच्या नावावर चर्चा ?
मीडिया रिपोर्टनुसार, ‘बिग बॉस 20’च्या निर्मात्यांकडून आगामी सीझनसाठी ललित मोदी यांच्या नावाचा विचार केला जात आहे. Bollywood Bubbleच्या रिपोर्टमध्ये याबाबत माहिती समोर आली आहे. मात्र, महत्त्वाची बाब म्हणजे ललित मोदी यांना शोमध्ये सहभागी होण्यासाठी अधिकृतपणे ऑफर देण्यात आली आहे किंवा ते स्पर्धक म्हणून निश्चित झाले आहेत, याची अद्याप पुष्टी झालेली नाही. त्यामुळे सध्या त्यांचं नाव फक्त संभाव्य स्पर्धकांच्या यादीत चर्चेत असल्याचंच मानलं जात आहे. ललित मोदी हे IPLचे माजी चेअरमन म्हणून प्रसिद्ध आहेत. त्याचबरोबर अभिनेत्री सुष्मिता सेनसोबतच्या नात्यामुळे ते काही काळ चर्चेच्या केंद्रस्थानी होते.
सुष्मिता सेनसोबतच्या नात्याची पुन्हा चर्चा
ललित मोदी आणि सुष्मिता सेन यांच्या नात्याने काही वर्षांपूर्वी मोठी चर्चा निर्माण केली होती. दोघांनीही त्यांच्या नात्याबद्दल सार्वजनिकपणे भाष्य केलं होतं. ललित मोदी यांनी ‘Humans of Bombay’ला दिलेल्या मुलाखतीत सुष्मिता त्यांच्या आयुष्यातील अत्यंत खास व्यक्ती असल्याचे सांगितले होतं. त्यांच्या म्हणण्यानुसार, सुष्मिताने त्यांना आयुष्यात पुढे जाण्यासाठी मोठी मदत केली होती. मात्र, दोघांच्या आयुष्यातील अंतर वाढत गेलं आणि अखेर त्यांचे मार्ग वेगळे झाले.
सलमान खानसमोर येणार सुष्मिताचा एक्स ?
ललित मोदी जर खरोखरच ‘बिग बॉस 20’मध्ये सहभागी झाले, तर या चर्चेला आणखी एक वेगळा ट्विस्ट मिळू शकतो. कारण सलमान खान आणि सुष्मिता सेन यांच्यात चांगली मैत्री आहे. दोघांनी अनेक चित्रपटांमध्ये एकत्र काम केले असून त्यांची ऑन-स्क्रीन जोडीही प्रेक्षकांना आवडली होती. त्यामुळे ललित मोदी शोमध्ये आल्यास सुष्मिता सेनसोबतच्या त्यांच्या पूर्वीच्या नात्याबाबत सलमान खानकडून काही बोललं जातं का, याकडेही प्रेक्षकांचं लक्ष असणार आहे.
Leave a Reply