बांगलादेश क्रिकेट टीमने मायदेशात ऑस्ट्रेलियाचा एकदिवसीय मालिकेत धुव्वा उडवला. बांगलादेशने सलग 2 सामने जिंकून मालिका आपल्या नावावर केली. बांगलादेशने यासह एकदिवसीय क्रिकेटच्या इतिहासात पहिल्यांदाच ऑस्ट्रेलिया विरुद्ध मालिका जिंकली. मात्र ऑस्ट्रेलियाने तिसरा आणि अंतिम सामना जिंकून लाज राखली. त्यानंतर कांगारुंनी 3 सामन्यांच्या टी 20i मालिकेत विजयी सलामी दिली. त्यामुळे ऑस्ट्रेलियाकडे सलग दुसरा सामना जिंकून मालिका आपल्या नावावर करण्याची संधी आहे. तर बांगलादेशसाठी दुसरा सामना हा करो या मरो असा आहे. बांगलादेशला मायदेशात टी 20i मालिका पराभव टाळायचा असेल तर कोणत्याही स्थितीत विजयी व्हावं लागणार आहे. त्यामुळे ऑस्ट्रेलिया दुसरा सामना जिंकून मालिका नावावर करणार की बांगलादेश पलटवार करुन मालिकेत 1-1 ने बरोबरी साधणार? याची चाहत्यांना उत्सूकता आहे.
बांगलादेश विरुद्ध ऑस्ट्रेलिया दुसरा टी 20i सामना कधी?
बांगलादेश विरुद्ध ऑस्ट्रेलिया दुसरा टी 20i सामना शुक्रवारी 19 मे रोजी होणार आहे.
बांगलादेश विरुद्ध ऑस्ट्रेलिया दुसरा टी 20i सामना कुठे?
बांगलादेश विरुद्ध ऑस्ट्रेलिया दुसरा टी 20i सामना चट्टोग्राममधील बीर श्रेष्ठ फ्लाइट लेफ्टनंट मतिउर रहमान स्टेडियममध्ये होणार आहे.
बांगलादेश विरुद्ध ऑस्ट्रेलिया दुसऱ्या टी 20i सामन्याला किती वाजता सुरुवात होणार?
बांगलादेश विरुद्ध ऑस्ट्रेलिया दुसऱ्या टी 20i सामन्याला भारतीय वेळेनुसार दुपारी 1 वाजून 30 मिनिटांनी सुरुवात होणार आहे. तर 1 वाजता टॉस होणार आहे.
बांगलादेश विरुद्ध ऑस्ट्रेलिया दुसरा टी 20i सामना टीव्हीवर कुठे पाहायला मिळेल?
बांगलादेश विरुद्ध ऑस्ट्रेलिया दुसरा टी 20i सामना भारतात टीव्हीवर दाखवण्यात येणार नाही.
बांगलादेश विरुद्ध ऑस्ट्रेलिया दुसरा टी 20i सामना मोबाईलवर कुठे पाहायला मिळेल?
बांगलादेश विरुद्ध ऑस्ट्रेलिया दुसरा टी 20i क्रिकेट सामना मोबाईलवर फॅनकोड एपद्वारे लाईव्ह पाहायला मिळेल.
पहिल्या सामन्यात काय झालं?
ऑस्ट्रेलियाने मिचेल मार्श याच्या नेतृत्वात बांगलादेशला 19 ओव्हरमध्ये 131 रन्सवर गुंडाळलं. त्यामुळे ऑस्ट्रेलियाला 132 धावांचं आव्हान मिळालं. ऑस्ट्रेलियाने हे आव्हान 10 बॉलआधी 6 विकेट्सच्या मोबदल्यात पूर्ण केलं. ऑस्ट्रेलियाने 18.2 ओव्हरमध्ये 4 विकेट्स राखून 133 धावा केल्या
हेड टु हेड
दरम्यान उभयसंघात आतापर्यंत 12 टी 20i सामने खेळवण्यात आले आहेत. ऑस्ट्रेलियाने या 12 पैकी सर्वाधिक 8 सामने जिंकले आहेत. तर बांगलादेश 4 सामने जिंकण्यात यशस्वी ठरली आहे. त्यामुळे आता 13 व्या सामन्याचा निकाल कोणत्या संघाच्या बाजूने लागतो? यासाठी प्रतिक्षा करावी लागणार आहे.
Leave a Reply