2016 साली अनिल कूपरचा मुलगा हर्षवर्धन कपूरने 'मिर्जया' चित्रपटातून बॉलिवूडमध्ये पदार्पण केलं. त्याला इंडस्ट्रीमध्ये एक दशक पूर्ण झालं आहे. आतापर्यंत हर्षवर्धन कपूरने केवळ तीन चित्रपटात काम केलं आहे. त्याच्या अभिनयाचं कौतुक झालं. पण त्याला बॉक्स ऑफिसवर मोठं यश मिळालेलं नाही.
अनिल कपूरचा मुलगा आणि करिअरचा मंदावलेला वेग यामळे ट्रोलर्स अनेकदा हर्षवर्धनला सोशल मीडियावर टार्गेट करत असतात. मंगळवारी ट्रोलर्सनी पुन्हा एकदा हर्षवर्धनला टार्गेट केलं. पण यावेळी हर्षवर्धनने प्रत्युत्तर दिलं.
आपले येणारे चित्रपट आणि फिल्मसच्या निवडीबद्दलही हर्षवर्धन कूपर बोलला. सोशल मीडिया प्लेटफॉर्म एक्सवर हर्षवर्धनने अलीकडेच एका फुटबॉल मॅचवर पोस्ट केली होती. त्यानंतर ट्रोल्स त्याच्यामागे लागले. एका युजरने कमेंटमध्ये लिहिलं की, तू जाऊन तुझे बेकार चित्रपट बनवं. फुटबॉल एनालिसिसचा विषय एक्सपर्ट्ससाठी राहू दे.
तुझे वडिल तुझ्यामागे नसते तर तू फक्त एक लूजर आहेस. जो आपल्या आयुष्यात काही करु शकत नाही असं दुसऱ्या युजरने म्हटलं. या ट्रोल्सना प्रत्युत्तर देताना हर्षवर्धनने फक्त एवढचं लिहिलं की, 'थोडं अजून रडून घ्या'
हर्षवर्धन कपूर ऑलिम्पिकमध्ये गोल्ड मेडल जिंकणाऱ्या अभिनव बिंद्राच्या आयुष्यावरील बायोपिकमध्ये काम करत आहे. रिपोर्ट्सनुसार चित्रपटात अभिनवच्या वडिलांची भूमिका स्वत: अनिल कपूर निभावणार आहेत.
Leave a Reply