मराठीसोबतच हिंदी कलाविश्वात आपली वेगळी ओळख निर्माण करणारी अभिनेत्री अमृता खानविलकर सध्या तिच्या खासगी आयुष्यामुळे चर्चेत आली आहे. अमृता आणि तिचा पती हिमांशू मल्होत्रा हे गेल्या दीड वर्षापासून वेगळे राहत असल्याचा खुलासा त्यांच्याच एका जवळच्या व्यक्तीने केला आहे. वेगळे राहत असले तरी घटस्फोटाबद्दल अद्याप त्यांनी काही निर्णय घेतला नसल्याचंही स्पष्ट केलंय.
मालिका, चित्रपट आणि वेब सीरिज अशा तिन्ही प्लॅटफॉर्मवर तिने आपल्या दमदार अभिनयकौशल्याचा ठसा उमटविला आहे. एका मराठी चित्रपटासाठी ती जवळपास दहा ते बारा लाख रुपये मानधन स्वीकारते. तर शोजमधील एका एपिसोडसाठी ती जवळपास दीड लाख रुपये फी घेते.
एका मुलाखतीत अमृता म्हणालेली, “जर मी मध्यमवर्गीय कुटुंबात वाढले नसते तर मी कमावलेल्या पैशांची उधळपट्टी केली असती. मला कधीच पैशांची किंमत कळली नसती. माझ्याकडे मर्सिडीज किंवा ऑडीसारख्या महागड्या गाड्या नाहीत. मी विकत घेऊ शकत नाही, असं नाही. पण मला ट्रॅफिकमध्ये गाडी चालवायला आवडत नाही.”
मला घरांमध्ये गुंतवणूक करायला खूप आवडतं. माझं पुण्यात एक घर आहे, तर मुंबईत दोन घरं आहेत. पण आता पुरे झालं. मला जे काही आवडतं, ते सर्व मी केलं आहे. त्यामुळे माझ्याकडे आता हे आहे, त्यात मी सुखी आणि समाधानी आहे”, अशा शब्दांत ती व्यक्त झाली.
अमृता खानविलकरडे 30 ते 50 कोटी रुपयांची संपत्ती असल्याचं कळतंय. मराठी आणि हिंदी चित्रपट, विविध शोज, ब्रँड एंडोर्समेंट, साड्यांचा बिझनेस यातून तिची कमाई होते. तर अमृताचा पती हिमांशू मल्होत्रासुद्धा अभिनेताच आहे. एका शोदरम्यान या दोघांची भेट झाली होती.
Leave a Reply