मराठमोळी अभिनेत्री अमृता खानविलकरने अभिनय आणि सौंदर्याने अनेकांची मने जिंकली आहेत. चाहते अमृताच्या प्रत्येक सिनेमाची आतुरतेने वाट पाहात असतात. सोशल मीडियावर देखील अमृता प्रचंड सक्रिय असते. वेगवेगळ्या ठिकाणी गेल्यावर ती व्हिडीओ शेअर करताना दिसते. तिचे व्हिडीओ किंवा फोटो चाहत्यांना बघायला आवडतात. पण गेल्या काही दिवसांपासून अमृता ही तिच्या खासगी आयुष्यामुळे चर्चेत आहे. आता अमृताने या विरोधात मोठे पाऊल उचलले आहे.
आपल्या सौंदर्याने अनेकांना घायाळ करणारी अमृता गेल्या काही दिवसांपासून खासगी आयुष्यामुळे चर्चेचा विषय बनली आहे. सोशल मीडियावर तिच्याविषयी वेगवेगळ्या अफवा सुरु आहेत. पण आता अमृताने सोशल मीडियावर पोस्ट शेअर करत या विरोधात कायदेशीर कारवाई करणार असल्याचे सांगितले आहे.
अमृताने तिच्या अधिकृत इन्स्टाग्राम अकाऊंटवर एक पोस्ट शेअर केली आहे. या पोस्टमध्ये तिने, अधिकृत कायदेशीर निवेदन. 10 ऑगस्ट 2026 पासून लागू. अमृता खानविलकर यांच्याबाबत ऑनलाइन व सोशल मीडियाच्या माध्यमांवर त्यांच्या वैयक्तिक आयुष्याशी संबंधित असत्य, निराधार, बदनामीकारक किंवा गोपनीयताचा भंग करणारा मजकूर प्रसारित केला जात असल्याचे निदर्शनास आले आहे, असे म्हटले आहे.
पुढे अमृताने म्हटले आहे की, अभिव्यक्ती स्वातंत्र्याचा गैरवापर करून बदनामी, अफवा किंवा खोटी माहिती प्रसारित केल्यास किंवा शेअर केल्यास, उपलब्ध पुराव्यांच्या आधारे संबंधित व्यक्ती किंवा संस्थेविरुद्ध कायदेशीर कारवाई करण्यात येईल.
अमृताने केलेली ही पोस्ट तिच्या कायदेशीर टीमने सोशल मीडियावर शेअर केली आहे. अमृताने उचललेल्या पाऊलाचे चाहते कौतुक करत आहेत.
Leave a Reply