मोटोरोलाने भारतात त्यांचे नवीन वायरलेस स्टिरिओ मोटो बड्स 2 लाँच केले आहेत. मोटोरोलाच्या या TWS ची विक्री फ्लिपकार्टवर लवकरच सुरू होईल. मोटो बड्स 2 तीन रंगांच्या पर्यायांमध्ये भारतीय बाजारपेठेत सादर करण्यात आले आहेत. कंपनीचा दावा आहे की चार्जिंग केसच्या एका चार्जवर हे इअरबड्स 48 तासांचा बॅकअप देतात. मोटो बड्स 2 च्या प्रत्येक बडमध्ये 62mAh बॅटरी आहे, जी एका चार्जवर 11 तासांपर्यंतचा बॅकअप देते. यामध्ये 11mm ड्युअल डायनॅमिक ड्रायव्हर सेटअप आहे. चला तर मग या इअरबड्सची किंमत आणि फिचर्स जाणून घेऊयात.
मोटो बड्स 2 ची किंमत
मोटो बड्स 2 भारतात 2 हजार 999 रूपयांमध्ये लाँच करण्यात आले आहेत. मोटो बड्स 2 ची पहिली विक्री 25 मे पासून फ्लिपकार्ट आणि मोटोरोलाच्या ऑनलाइन स्टोअरद्वारे सुरू होईल. मोटोरोलाचे TWS बड्स हे पॅन्टोन कार्बन, पॅन्टोन ग्रे मिस्ट आणि पॅन्टोन व्हायोलेट आइस या तीन रंगांच्या पर्यायांमध्ये तुम्ही खरेदी करू शकता.
मोटो बड्स 2 ची वैशिष्ट्ये
मोटो बड्स 2 मध्ये ड्युअल 11 मिमी डायनॅमिक ड्रायव्हर्स आहेत, जे कंपनीच्या दाव्यानुसार उत्तम बास आणि सुस्पष्ट उच्च फ्रिक्वेन्सी देतात. मोटो बड्स 2 हे IP54 रेटेड आहेत. यामध्ये ब्लूटूथ 6.0 कनेक्टिव्हिटी देखील आहे, जी ड्युअल कनेक्शन्स आणि ऑटो स्विचिंगला सपोर्ट करते. मोटोरोलाचे हे नवीन बड्स AAC, SBC, LHDC5, आणि LHDC4 कोडेक्स, आणि हाय-रेस ऑडिओला सपोर्ट करतात.
मोटोरोलाच्या या नवीनतम मोटो बड्स 2 मध्ये प्ले आणि पॉजसाठी जेश्चर कंट्रोल्सची सुविधा आहे. तसेच यामध्ये मोटो एआय (Moto AI) सपोर्ट देखील आहे. त्याचबरोबर यामध्ये एक उच्च एसएनआर (SNR) सपोर्ट असलेले सहा मायक्रोफोन्स आहेत. ज्यामुळे आवाजाची गुणवत्ता उत्तम ठरते. यात डायनॅमिक ॲक्टिव्ह नॉइज कॅन्सलेशन (ANC) चेही समर्थन आहे. कंपनीचा दावा आहे की हे 55 डेसिबल (dB) पर्यंतचा सभोवतालचा आवाज रद्द करू शकते.
Leave a Reply