Kangana Ranaut : अभिनेत्री आणि भाजप खासदार कंगना राणौत यांनी लग्न केलं आहे का? असा प्रश्न सध्या उपस्थित होत आहे.., कारण कंगना यांचा एक व्हिडीओ व्हायरल होत आहे, ज्यामध्ये त्यांच्या हातात हिरव्या बांगड्या आणि गळ्यात मंगळसूत्र दिसत आहे. सध्या सर्वत्र फक्त आणि फक्त कंगना यांच्या लूकची चर्ता रंगत आहे. व्हिडीओ पाहिल्यानंतर अनेकांनी विचारलं की लग्न झालं का? कंगना यांनी गुपचूप लग्न केलं का? नवरा मुलगा कोण आहे? असे अनेक प्रश्न सध्या उपस्थित होत आहेत.
सोशल मीडियावर एक व्हिडिओ समोर आला आहे, ज्यामध्ये कंगना रणौत घरातून बाहेर पडून आपल्या गाडीकडे जाताना दिसत आहे. फिकट गुलाबी रंगाचा सूट आणि कपाळावर टिकली लावलेल्या कंगनाने पापाराझींना पाहिलं, पण कंगना त्यांच्याशी न बोलता शांतपणे निघून गेल्या. हा व्हिडिओ सोशल मीडियावर व्हायरल होताच, चाहत्यांनी प्रश्न विचारायला सुरुवात केली.
View this post on Instagram
एका नेटकऱ्याने कमेंट करत विचारलं, ‘मंगळसूत्र? कंगना हिचं लग्न झालं का?’, अन्य एक नेटकरी कमेंट करत म्हणाला, ‘व्हिडीओ कदाचित सिनेमाच्या शुटिंग दरम्यानचा आहे…’, तर काही नेटकरी असं देखील म्हणत आहेत की, कंगना यांनी गुपचूप लग्न उरकलं आहे… पण समोर येत असलेल्या माहितीनुसार, कंगना यांनी लग्न केलं नसून, आगामी ‘तनू वेड्स मनू 3’ सिनेमाच्या शुटिंग दरम्यानचा व्हिडीओ आहे.
सांगायचं झालं तर, कंगना राणौत सध्या ‘क्वीन 2’ सिनेमाच्या शुटिंगमध्ये देखील व्यस्त आहे. राजकारणात दमदार एन्ट्री केल्यानंतर कंगना यांनी बॉलिवूडमध्ये पुन्हा पदार्पण केलं आहे. कंगना यांनी 2024 मध्ये भाजपच्या तिकिटावर हिमाचल प्रदेशातील मंडी लोकसभा मतदारसंघातून निवडणूक लढवून अधिकृतपणे राजकारणात प्रवेश केला.
कंगना यांच्याबद्दल सांगायचं झालं तर, कंगना राणौत यांना आज कोणत्याच ओळखीची गरज नाही. अनेक सिनेमांमध्ये दमदार भूमिका साकारत त्यांनी स्वतःची ओळख भक्कम केली आहे. मबत्त्वाची गोष्ट म्हणजे कंगना आता फक्त बॉलिवूडपर्यंत मर्यादित राहिलेल्या नाहीत. त्यांनी राजकीय क्षेत्रात देखील पदार्पण केलं आहे. अभिनेत्री आणि भाजप खासदार कंगना राणौत कायम त्यांच्या खासगी आणि प्रोफेशनल आयुष्यामुळे चर्चेत असतात.
Leave a Reply