अमेरिका आणि इराणमध्ये सध्या युद्धविराम झाला आहे, मात्र तरी देखील संघर्ष सुरूच आहे. नुकताच इराणकडून पुन्हा एकदा अमेरिकेला एक प्रस्ताव पाठवण्यात आला आहे. या प्रस्तावामध्ये इराणने काही अटी ठेवल्या आहेत, या अटी जर अमेरिकेनं मान्य केल्या तर आम्ही युद्ध थांबवू असं इराणने म्हटलं आहे, ज्यामध्ये अमेरिकेनं आम्हाला युद्धाची नुकसानभरपाई द्यावी, स्ट्रेट ऑफ होर्मूजमधील नाकेबंदी हटवावी अशा काही अटी इराणने अमेरिकेसमोर ठेवल्या आहेत. दरम्यान दुसरीकडे मात्र डोनाल्ड ट्रम्प यांच्याकडून वारंवार इराणला धमक्या देण्यात येत आहेत, तुम्ही जर लवकरात लवकर अणु करार केला नाही तर आम्ही तुमच्यावर भीषण हल्ला करू असं ट्रम्प यांनी म्हटलं आहे. दरम्यान अमेरिका आणि इराणमध्ये संघर्ष सुरू असतानाच आता जगाची झोप उडवणारी बातमी समोर आली आहे.
युक्रेनकडून रशियामधील एका होस्टेलवर हल्ला करण्यात आला होता, या हल्ल्यानंतर रशियाचे राष्ट्रपती व्लादीमीर पुतिन यांनी चांगलीच आक्रमक भूमिका घेतली. हल्ल्याची तयारी करा असे थेट आदेश पुतिन यांनी रशियाच्या सैन्याला दिले आहेत. रशियाकडून असा दावा करण्यात आला आहे की, युक्रेनच्या सैन्याने शुक्रवारी स्टारोबिलक्स शहरात एका विद्यार्थ्यांचा निवास असलेल्या होस्टलवर जाणीवपूर्वक हल्ला केला आहे. सामान्य जनतेवर आणि होस्टलेवर झालेले असे हल्ले आम्ही कधीही सहन करणार नाहीत, या हल्ल्याचं उत्तर दिलं जाईल असं पुतिन यांनी म्हटलं आहे. दरम्यान रशिया आणि युक्रेमध्ये 2022 पासून युद्ध सुरू आहे, हे युद्ध सुरू होऊन जवळपास पाच वर्ष झाले आहेत. मात्र आता रशियाकडून युक्रेनवर भीषण हल्ला होण्याची शक्यता आहे.
रशियाच्या सरकारकडून करण्यात आलेल्या दाव्यानुसार युक्रेनने जाणीवपूर्वक रशियातील एका विद्यार्थी वस्तीगृहाला लक्ष बनवलं, युक्रेनकडून करण्यात आलेल्या ड्रोन हल्ल्यामध्ये दहा विद्यार्थ्यांचा मृत्यू झाला आहे. त्यानंतर या परिसरात रात्रभर हल्ले सुरूच होते, या हल्ल्यांमध्ये 38 अन्य लोक देखील जखमी झाले आहेत. त्यानंतर आता रशियाकडून युक्रेनला बदला घेतला जाईल अशी धमकी देण्यात आली आहे.
Leave a Reply