सुप्रिया सुळे राजनाथ सिंह यांच्या पाया पडल्या, सर्वपक्षीय बैठकीनंतरचा VIDEO व्हायरल

गेल्या काही दिवसांपासून राज्याच्या राजकारणात शरद पवार यांचा पक्ष एनडीएमध्ये सामील होणार असल्याची चर्चा रंगली आहे. एनडीएमध्ये सामील होण्यासाठी शरद पवार यांच्या पक्षाने राष्ट्रवादीच विलीन व्हावे अशी अट भाजपने टाकली असल्याचेही सूत्रांनी म्हटले आहे. असे झाल्यास दोन्ही पक्षांना केंद्रात 1-1 मंत्रिपद मिळणार असल्याचेही सूत्रांनी सांगितले आहे. अशातच आज राष्ट्रवादी काँग्रेस शरदचंद्र पवार पक्षाच्या खासदार सुप्रिया सुळे या दिल्लीत भाजपचे ज्येष्ठ नेते आणि संरक्षणमंत्री राजनाथ सिंह यांच्या पाया पडल्याचा व्हिडिओ समोर आला आहे. संसदेच्या पावसाळी अधिवेशनापूर्वी केंद्र सरकारने रविवारी सर्वपक्षीय बैठक बोलावली होती. या बैठकीनंतर सुप्रिया सुळे यांनी राजनाथ सिंह यांच्या पाया पडत त्यांना अभिवादन केले. याबाबत सविस्तर माहिती जाणून घेऊयात.

सर्वपक्षीय बैठकीत गदारोळ

सर्वपक्षीय बैठकीदरम्यान मोठा वाद पाहायला मिळाला. तृणमूल काँग्रेस (TMC) आणि शिवसेना (उद्धव बाळासाहेब ठाकरे) पक्षातील बंडखोर खासदारांनाही बैठकीसाठी निमंत्रित करण्यात आल्याने विरोधी पक्षांनी तीव्र आक्षेप घेतला. यानंतर विरोधी पक्षांनी बैठकीतून काही काळासाठी वॉकआउट केले. मात्र, सांकेतिक निषेधानंतर सर्व पक्ष पुन्हा बैठकीत सहभागी झाले होते.

#WATCH | Delhi: NCP-SCP MP Supriya Sule touches the feet of Defence Minister Rajnath Singh as they leave after attending the all-party meeting ahead of the Monsoon Session of Parliament pic.twitter.com/f6GlshVUBK

— ANI (@ANI) July 19, 2026

बैठकीनंतर घडला हा प्रसंग

राष्ट्रवादी काँग्रेस (शरद पवार )च्या कार्याध्यक्ष असलेल्या सुप्रिया सुळे या सर्वपक्षीय बैठकीसाठी दिल्लीत आल्या होत्या. बैठक संपल्यानंतर त्या बाहेर पडत असताना त्यांची आणि संरक्षणमंत्री राजनाथ सिंह यांची भेट झाली. त्यांना पाहताच सुप्रिया सुळे यांनी त्यांच्या पाया पडून आशीर्वाद घेतला. यावेळी केंद्रीय मंत्री जेपी नड्डा आणि इतर नेतेही उपस्थित होते होते. या घटनेचा व्हिडिओ सोशल मीडियावर व्हायरल झाला आहे.

NDA मध्ये जाण्याच्या चर्चांना नकार

राजनाथ सिंह यांच्या भेटीपूर्वी सुप्रिया सुळे यांनी आपल्या पक्षाच्या NDAमध्ये प्रवेश करण्याच्या किंवा राष्ट्रवादी काँग्रेससोबत विलिनीकरण करण्याच्या चर्चा फेटाळून लावल्या. ‘भारतीय जनता पक्ष किंवा NDA तील कोणत्याही घटक पक्षाने शरद पवार यांच्या नेतृत्वाखालील पक्षाशी अशा कोणत्याही प्रस्तावाबाबत संपर्क साधलेला नाही’ असं सुळे यांनी म्हटले.

Source link