अभिनेत्री प्राजक्ता माळी ही तिच्या अभिनयासोबतच सौंदर्य, स्पष्टवक्तेपणा आणि सोशल मीडियावरील सक्रिय उपस्थितीमुळे नेहमीच चर्चेत असते. ती अनेकदा तिच्या वैयक्तिक आयुष्यातील खास क्षण चाहत्यांसोबत शेअर करत असते.
नुकतेच प्राजक्ता माळीने तिच्या अधिकृत इन्स्टाग्राम अकाउंटवर आई तुळजाभवानीच्या दर्शनावेळी काढलेले काही फोटो शेअर केले. पारंपरिक वेशभूषेत देवीचे दर्शन घेतानाचे हे फोटो पाहून अनेक चाहत्यांनी तिच्यावर कौतुकाचा वर्षाव केला.
मात्र, या फोटोंमुळे सोशल मीडियावर दुसरीकडे वादालाही तोंड फुटले. काही नेटकऱ्यांनी मंदिराच्या गाभाऱ्यात किंवा दर्शनस्थळी फोटो काढण्याच्या नियमांबाबत प्रश्न उपस्थित केला.
'सर्वसामान्य भाविकांना देवीसमोर फोटो काढण्याची परवानगी मिळत नाही, मग कलाकारांना अशी मुभा कशी? 'सामान्य नागरिकांसाठी एक नियम आणि सेलिब्रिटींसाठी दुसरा नियम का? अशा प्रतिक्रिया अनेकांनी व्यक्त केल्या.
काहींनी मंदिर प्रशासनाने याबाबत स्पष्ट भूमिका मांडावी, अशी मागणीही केली. मंदिरातील नियम सर्वांसाठी समान असावेत आणि त्यांची काटेकोर अंमलबजावणी व्हावी असे मत अनेक सोशल मीडिया वापरकर्त्यांनी नोंदवले.
Leave a Reply