‘छावा’ चित्रपटात ताराबाईंची भूमिका साकारून प्रेक्षकांच्या पसंतीस उतरलेली मराठमोळी अभिनेत्री संचिता उगलेने वयाच्या अवघ्या 30 व्या वर्षी आत्महत्या केल्याची धक्कादायक घटना समोर आली आहे.
रविवारी नालासोपारा येथील राहत्या घरी तिने गळफास घेतल्याचे उघड झाले असून या घटनेमुळे मनोरंजन क्षेत्रात शोककळा पसरली आहे. आचोले पोलीस ठाण्याचे एपीआय विनोद बाग यांनी दिलेल्या माहितीनुसार, संचिताच्या वडिलांच्या तक्रारीवरून आकस्मिक मृत्यूची नोंद करण्यात आली आहे.
घटनास्थळी कोणतीही सुसाईड नोट सापडलेली नसून मृत्यूमागील नेमके कारण अद्याप स्पष्ट झालेले नाही. तसेच तिच्या वडिलांनी कोणाविरुद्धही तक्रार नसल्याचे पोलिसांना सांगितले आहे.
संचिता आई-वडील आणि 15 वर्षांच्या बहिणीसह राहत होती. रविवारी संध्याकाळी घरात कोणी नसताना तिने साडीच्या सहाय्याने गळफास घेतल्याची प्राथमिक माहिती समोर आली आहे. कुटुंबीयांनी तिला तातडीने रुग्णालयात दाखल केले, मात्र डॉक्टरांनी तिला मृत घोषित केले.
दरम्यान, संचिताने हे टोकाचे पाऊल का उचलले याचा शोध पोलीस घेत असून तपासाचा अहवाल आल्यानंतरच मृत्यूमागील कारण स्पष्ट होणार आहे.
Leave a Reply