भारतीय क्रिकेटर श्रेयर अय्यर याने मुंबईच्या वरळी येथे एक आलिशान अपोर्टमेंट भाड्याने घेतलेल आहे. या अपार्टमेंटचे एकूण भाडे तब्बल ७.१४ कोटी रुपये आहे. स्क्वायरयार्ड्स ( SquareYards ) द्वारा एक्सेस केले गेलेल्या प्रॉपर्टी रजिस्ट्रेशन दस्ताऐवजाची माहिती समोर आली आहे. मुंबईतील वरळी हा परिसर भारतातील सर्वात महागड्या निवासी रिअल इस्टेट बाजारापैकी एक मानला जातो.
श्रेयस अय्यर याचे अपार्टमेंट वरळी येथील ‘आर्टेशिया’नावाच्या इमारतीत आहे. कागदपत्रानुसार या फ्लॅटचा एकूण एरिया सुमारे ३,८७५ चौरस फूट आहे आणि यासोबत चार कारची पार्किंग स्पेस देखील मिळाली आहे. हा करार १० जून २०२६ रोजी नोंदणीकृत झाला. या व्यवहारावर सुमारे १.८४ लाख रुपयांची स्टँम्प ड्युटी आणि १००० रुपयांचे रजिस्ट्रेशन शुल्क भरावे लागणार आहे.
या कराराचा कालावधी ३६ महिन्यांचा आहे. आणि यात पहिल्या वर्षाचे मासिक भाडे १८.५० लाख असेल, दुसऱ्या वर्षी सुमारे ७ टक्के वाढून भाडे १९.७९ लाख रुपये प्रति महिना होईल. यानंतर तिसऱ्या वर्षी हे ७ टक्के वाढून २१.१८ लाख प्रति महिना होईल. या हिशेबाने संपूर्ण लीज अवधीसाठी एकूण ७.१४ कोटी भाडे वसुल करण्यात येणार आहे.
श्रेयस याने काही काळ आधी खरेदी केली प्रॉपर्टी
काही काळ आधी श्रेयस अय्यरने मुंबईती वरळी विभागात २.९ कोटीची एक कमर्शियल प्रॉपर्टी खरेदी केली होती. वरळी येथील लक्झरी टॉवर आणि सी-फेसिंग घरे आणि बीकेसी, नरीमन पॉईंट, लोअर परळ आणि फोर्टसारख्या प्रमुख बिझनेस भागामुळे आणि चांगल्या कनेक्टिव्हीटीसाठी मुंबईतील सर्वात पसंतीचा निवासी बाजारपेठ बनली आहे. या रिपोर्टमध्ये अलिकडेच एका सौद्याचा उल्लेख केलेला आहे. ज्यात गोदरेज ग्रुपच्या तान्या दुबाश हीने कथितपणे वरळी सीफेसवर सुमारे ३०० कोटी रुपयात एक सी-फेस अपार्टमेंट खरेदी केले आहे. याची किंमत २.५० लाख प्रति चौरस फूटहून जास्त आहे.
स्क्वायरयार्ड्सद्वारा सांगितलेल्या रिअल ईस्टेट तज्ज्ञानुसार वरळी सी फेसवरील प्रीमियम अपार्टमेंटची किंमत सर्वसाधारणपणे ८० हजार ते १ लाख प्रति चौरस फूट दरम्यान असते. तर सर्वात खास आणि एक्सक्लुसिव्ह घराची किंमत २.८० लाख प्रति चौरस फूट वा त्याहून अधिक जाऊ शकते.
Leave a Reply