अहिल्यादेवी होळकर शेतकरी कर्जमुक्ती योजनेच्या पहिल्या टप्प्याची यादी जाहीर करण्यात आली असून, अहमदनगर (अहिल्यानगर) जिल्ह्यातील हजारो शेतकऱ्यांना या योजनेचा लाभ मिळाला आहे. जिल्ह्यात सुमारे 2 लाख 33 हजार शेतकरी कर्जमाफीसाठी पात्र ठरल्याची माहिती समोर आली आहे.
राज्य सरकारच्या या महत्त्वाकांक्षी योजनेअंतर्गत पहिल्या टप्प्यात राज्यभरातील एकूण 1 कोटी 32 लाख 70 हजार 34 लाभार्थी शेतकरी पात्र ठरले आहेत. पात्र शेतकऱ्यांना कर्जमाफीचा लाभ देण्यासाठी प्रक्रिया सुरू करण्यात आली आहे.
दरम्यान, कर्जमाफीचा लाभ मिळवण्यासाठी ई-केवायसी (e-KYC) अनिवार्य करण्यात आली आहे. यामुळे सर्व पात्र शेतकऱ्यांनी वेळेत ई-केवायसी पूर्ण करण्याचे आवाहन प्रशासनाकडून करण्यात आले आहे.
अहिल्यानगर जिल्ह्यात आतापर्यंत सुमारे 70 टक्के शेतकऱ्यांनी ई-केवायसी प्रक्रिया पूर्ण केली असून, उर्वरित शेतकऱ्यांनीही लवकरात लवकर ही प्रक्रिया पूर्ण करून कर्जमाफीचा लाभ घ्यावा, असे प्रशासनाने स्पष्ट केले आहे.
ई-केवायसी पूर्ण झाल्यानंतर पात्र लाभार्थ्यांना टप्प्याटप्प्याने कर्जमाफीचा लाभ देण्यात येणार असून, या प्रक्रियेकडे राज्यातील लाखो शेतकऱ्यांचे लक्ष लागले आहे.
Leave a Reply