राष्ट्रीय स्वयंसेवक संघाची वार्षिक अखिल भारतीय प्रांत प्रचारक बैठक आज कर्नाटकातील बेळगाव येथे झाली. या बैठकीत मार्च २०२६ पासून संघाच्या विविध स्तरांवर आयोजित केलेल्या प्रशिक्षण वर्गांचा आढावा घेण्यात आला. यावर्षी देशभरात एकूण ८३ संघ शिक्षा वर्ग आणि १२ कार्यकर्ता विकास वर्ग आयोजित करण्यात आले होते. ज्यामध्ये एकूण १८,८४२ स्वयंसेवकांना सहभाग घेतला होता. या स्वयंसेवकांना शाखा संचलन, संघ कार्यपद्धती, ग्राम विकास, कुटुंब प्रबोधन, आपत्ती व्यवस्थापन आणि पर्यावरण यांसारख्या विषयांचे प्रशिक्षण देण्यात आले.
राष्ट्रीय स्वयंसेवक संघाच्या वार्षिक अखिल भारतीय प्रांत प्रचारक बैठकीत सद्यस्थितीशी संबंधित विविध विषयांवर चर्चा झाली, प्रामुख्याने जनगणनेतून मिळालेली माहिती आणि लोकसंख्येच्या असंतुलनामुळे निर्माण झालेली आव्हाने आदी विषयांवर खल झाला. अंमलीपदार्थांच्या वाढत्या दुष्परिणामांविषयीची चिंता, अंमलीपदार्थांच्या व्यसनमुक्तीसाठी प्राधान्याने करण्यात येणाऱ्या प्रयत्नांची गरज आणि संत शिरोमणी रविदास महाराजांच्या ६५० व्या जयंतीनिमित्त आयोजित कार्यक्रमांचे नियोजन यावरही येथे चर्चा झाली.
रक्कम अपहार प्रकरणावर दु:ख
या बैठकीत सर्वांनी श्री रामजन्मभूमी मंदिरातील दानपेटीतील रक्कम अपहार प्रकरणावर दु:ख व्यक्त केले. तसेच तीर्थक्षेत्र ट्रस्टच्या निवेदनानुसार सुरु असलेली एसआयटी चौकशी आणि पोलिसांची कारवाई योग्यप्रकारे पूर्ण होईल असा विश्वास व्यक्त केला. तीर्थक्षेत्राच्या ट्रस्टींनी अपेक्षा व्यक्त केली की भविष्यात अशी कोणतीही घटना होऊन नये ज्यामुळे संपूर्ण रामभक्तांच्या राममंदिराच्या बद्दलची श्रद्धा आणि आस्थेला आघात होईल.
Leave a Reply