रितेश देशमुखच्या 'वेड' या चित्रपटातून घराघरात पोहोचलेली अभिनेत्री जिया शंकर सध्या तिच्या खासगी आयुष्यामुळे चर्चेत आली आहे. जियाने तिच्या इन्स्टाग्राम अकाऊंटवर खास व्यक्तीसोबत रोमँटिक फोटो पोस्ट करत प्रेमाची जाहीर कबुली दिली आहे. बॉयफ्रेंड करणने जियाला प्रपोज केलं असून या प्रपोजलचे सुंदर फोटो तिने चाहत्यांसोबत शेअर केले आहेत.
जिया शंकरच्या होणाऱ्या पतीचं नाव करण आहे. या फोटोंमध्ये जियाने हिऱ्याची सुंदर अंगठीसुद्धा दाखवली आहे. 'अपेक्षा नसताना अचानक तुमच्या आयुष्यात प्रेम येतं. देवाने माझ्या संयमाची खरोखर मोठी परीक्षा घेतली आहे. हे अजिबात सोपं नव्हतं', अशा शब्दांत जिया शंकर तिच्या भावना व्यक्त केल्या आहेत.
फोटोंच्या कॅप्शनमध्ये तिने पुढे म्हटलंय, 'मी आयुष्यभर ज्या प्रेमाची वाट पाहत होते, ते प्रेम तू मला दिलंस. माझ्या कठीण दिवसांत तू मला हसवलंस. तुझ्यासोबतचं आयुष्य म्हणजे एक सुंदर एडव्हेंचर आहे आणि हा माझ्या आयुष्यातील सर्वांत आवडता रोमँटिक-कॉमेडी चित्रपट आहे.'
जिया शंकरच्या या फोटोंवर चाहत्यांनी शुभेच्छांचा वर्षाव केला आहे. यावर 'वेड'मधील जियाची सहअभिनेत्री जिनिलिया देशमुखनेही कमेंट केली आहे. 'अभिनंदन जिया' अशी कमेंट तिने केली आहे. त्याचसोबत रीम शेख, अविनाश मिश्रा, तन्वी ठक्कर, पलक पुरस्वानी, अमित टंडन, माही विज यांनीसुद्धा तिला शुभेच्छा दिल्या आहेत.
जिया शंकरने 'बिग बॉस ओटीटी' या शोमध्येही भाग घेतला होता. सोशल मीडियावर तिचा मोठा चाहतावर्ग आहे. तिने वेब सीरिजमध्येही विविध भूमिका साकारल्या आहेत.
Leave a Reply