नीट पेपरफुटी प्रकरणावरून केंद्रीय शिक्षणमंत्री धर्मेंद्र प्रधान यांच्या राजीनाम्याच्या मागणीसाठी कॉकरोच जनता पार्टीने जंतर-मंतर येथे आंदोलन सुरु केले आहे. या आंदोलनात मोठ्या संख्येने तरुण सहभागी झाले असून विरोधी पक्षातील नेतेही उपस्थित असल्याचे दिसत आहेत. आता हे प्रकरण थेट देशातील प्रतिष्ठित फिल्म संस्था FTII पर्यंत येऊन पोहोचले आहे. विद्यार्थ्यांनी संस्थेचा चेअरमन आणि बॉलिवूड अभिनेते आर. माधवनवर निशाणा साधला आहे.
विद्यार्थ्यांनी माधवन यांच्या कथित मौनबाजीवर नाराजी व्यक्त करत त्यांच्या केबिनच्या दारावर ‘NEET For Sale’ आणि ‘गायब’ लिहिलेले मीम पोस्टर लावले आहे. कोणीतरी याचा फोटो काढून सोशल मीडिावर शेअर केला आहे. हा फोटो सध्या तुफान व्हायरल होत असल्याचे दिसत आहे.
अभिनेत्याने मौन का बाळगले आहे?
‘३ इडियट्स’, ‘रंग दे बसंती’ आणि ‘केसरी चॅप्टर २’ सारख्या सामाजिक आणि देशभक्तीपर चित्रपटांमध्ये काम केलेल्या आर. माधवन यांनी मौन बाळगल्यामुळे FTII चे विद्यार्थी प्रचंड नाराज झाले आहेत. विद्यार्थ्यांना अशा मुद्द्यावर माधवन यांची स्पष्ट प्रतिक्रिया अपेक्षित होती.
View this post on Instagram
प्रकरण काय आहे?
इंस्टाग्रामवर एक फोटो व्हायरल झाला आहे. या फोटोमध्ये FTII मधील माधवनच्या केबिनच्या दारावर ‘NEET For Sale’ असे पोस्टर चिकटवलेले दिसत आहे. या पोस्टरमध्ये प्रसिद्ध ‘गायब’ मीमचा वापर करण्यात आला होता. या फोटोने सोशल मीडियावर मोठी चर्चा सुरु झाली आहे आणि अनेकांनी माधवनला या मुद्द्यावर प्रतिक्रिया देण्याची विनंती केली.
नेटकऱ्यांनी केले ट्रोल
व्हायरल पोस्टनंतर आर. माधवनला सोशल मीडियावर जोरदार ट्रोल करण्यात आले आहे. एका युजरने लिहिले, “तुम्ही कुठे आहात माधवन @actormaddy?” दुसऱ्या एका यूजरने मजेशीर अंदाजात म्हटले की, “अब्बा ऐकत नाहीयेत का?” काहींनी आर माधवनला टोमणा मारला की, “तो अजूनही अजीत डोवालच्या भूमिकेत आहे, जासूसाची जिंदगी सोपी नसते.”
बॉलिवूड सेलिब्रिटींची प्रतिक्रिया
ही पोस्ट व्हायरल झाल्यानंतर शाहरुख खानचा आगामी चित्रपट ‘किंग’मधील अभिनेता अभय वर्माने लाईक केले आहे. शाहिद कपूरच्या ‘कबीर सिंह’ चित्रपटातील अभिनेते सोहम मोजुमदार यांनी लिहिले, “जशी अपेक्षा होती.” आर. माधवन आणि आमिर खानने मौन बाळगले असताना, इमरान खान, जीनत अमान, अनुराग कश्यप, नसीरुद्दीन शाह, रत्ना पाठक शाह, अभय देओल आणि ओमी वैद्य यांनी CJPच्या आंदोलनाचे समर्थन केले आहे. तर शबाना आजमी, प्रकाश राज, अमोल पराशर आणि पूनम पांडे दिल्लीत पोहोचून आंदोलकांसोबत मार्चमध्ये सहभागी झाल्या.
Leave a Reply