नव्वदच्या दशकातील आघाडीची अभिनेत्री मनिषा कोईराला आजही चाहत्यांच्या मनात विशेष स्थान टिकवून आहे. मनिषाने तिच्या अभिनयाने, नृत्यकौशल्याने आणि सौंदर्यान बॉलिवूड इंडस्ट्रीवर छाप सोडली आहे. मात्र कॅन्सरमुळे तिच्या आयुष्यातील काही काळ सर्वांत आव्हानात्मक बनला होता. आजारपणावर यशस्वीरित्या मात करून मनिषाने इंडस्ट्रीत पुनरागमन केलं आणि आता ती सोशल मीडियावर सक्रिय आहे.
55 वर्षीय मनिषा सध्या अत्यंत मुक्त आणि सुंदर जीवन जगत आहे. इन्स्टाग्रामवरील तिचे फोटो याचा पुरावा देत आहेत. नुकतेच तिने सोशल मीडियावर काही फोटो पोस्ट केले आहेत. थायलंडमधील एका शांत समुद्रकिनाऱ्यावर तिने मोनॉकिनीमध्ये हे फोटो शेअर केले आहेत.
'तुमचा आकार किंवा वय काहीही असो, तुम्ही आयुष्याच्या कोणत्याही टप्प्यावर असाल तरीही.. प्रवास करा. समुद्रकिनाऱ्यावर फिरा, स्विमसूट घाला आणि फोटो काढा. तुमच्या त्वचेवर सूर्यकिरणं आणि पायांखालील वाळू अनुभवा. भीती किंवा इतरांच्या मतांना तुम्हाला मागे खेचू देऊ नका. तुम्ही जशा आहात, तसंच तुम्हाला आयुष्य पुरेपूर जगण्याचा हक्क आहे', असं कॅप्शन मनिषाने या फोटोंना दिलं आहे.
या फोटोंमध्ये मनिषा लेपर्ड प्रिंट वन पीस स्विमसूट आणि त्याच डिझाइनच्या लाँग श्रगमध्ये दिसून येत आहे. उन्हापासून वाचण्यासाठी तिने काळ्या रंगाची हॅट आणि सनग्लासेस घातले आहेत. समुद्रकिनाऱ्यावर मनिषाने फोटोसाठी पोझ दिले आहेत. तिच्या या फोटोंवर चाहत्यांनी लाइक्स आणि कमेंट्सचा वर्षाव केला आहे.
'तू इतर कोणत्याही अभिनेत्रीपेक्षा कायमच अधिक सुंदर आहेस', असं एकाने म्हटलंय. तर 'आजही तू भल्या भल्या अभिनेत्रींना मागे टाकू शकतेस', असं दुसऱ्या युजरने लिहिलं आहे. मनिषा कोइरालाने 'हिरामंडी' या वेब सीरिजमध्ये भूमिका साकारून सर्वांचं लक्ष वेधलं होतं.
Leave a Reply