लग्न ही अशी गोष्ट आहे, जी अनेकांच्या आयुष्यात एकदाच होते. त्यामुळे आपलं लग्न हे कायम आठवणीत राहावं, असाच प्रयत्न केला जातो. त्यासाठी वेगवेगळे फंडे वापरले जातात. लग्नावर प्रचंड खर्च केला जातो. लग्नात आलेल्या पाहुण्यांना महागड्या खाद्य पदार्थांची मेजवानी दिली जाते. मात्र आजकाल या गोष्टी खूप सामान्य झाल्या आहेत. जवळपास सर्वच जण आपल्या लग्नामध्ये सजावट आणि खाद्यपदार्थांवर मोठ्या प्रमाणात खर्च करतात. परंतु यापेक्षा काही तरी हटके करण्याच्या नादात आता त्यात आणखी एक भर पडली आहे, ती म्हणजे लग्नात हेलिकॉप्टरच्या मदतीने फुलांचा पाऊस पाडला जातो, ज्याला पुष्पवृष्टि असंही म्हटलं जातं.
सुरुवातीला होलिकॉप्टरच्या मदतीने लग्नात होणारा फुलांचा पाऊस असं दृष्य केवळ चित्रपटांमध्ये पाहायला मिळालायचं. परंतु आता अनेक कंपन्या या व्यवसायाच्या क्षेत्रात उतरल्या आहेत. अनेक कंपन्यांकडून आता लग्नात हेलिकॉप्टरच्या मदतीने पुष्पवृष्टि करण्याची सेवा पुरवली जाते. मात्र अनेकांना असा प्रश्न पडतो की, यासाठी नेमका किती खर्च येतो आणि याची संपूर्ण प्रक्रिया काय आहे. याचा खर्च तुम्ही कोणत्या कंपनीच्या सेवेची निवड करतात त्यावर सामान्यपणे अवलंबून असतो, मात्र या खर्चामध्ये एवढा काही जास्त फरक पडत नाही.
कोण कोणत्या कार्यक्रमात केली जाते पुष्पवृष्टि?
हेलिकॉप्टरने फुलांचा पाऊस हा केवळ लग्नामध्येच केला जात नाही, तर त्याच्यासंबंधित इतर कार्यक्रमामध्ये देखील होतो, जसं की साखरपुड्यामध्ये वधू वरांवर होलिकॉप्टरने पुष्पवृष्टि केली जाते. त्यानंतर रिसेप्शनमध्ये देखील फुलांचा पाऊस पाडला जातो. एखादी मोठी राजकीय रॅली असेल किंवा एखाद्या मोठ्या कॉर्पोरेट ऑफिसचं उद्घाटन असेल तर अशा प्रसंगी देखील हेलिकॉप्टरच्या माध्यमातून पुष्पवृष्टि केली जाते.
किती खर्च येतो
जर तुम्हाला 10 ते 15 किलो ग्रॅमच्या फुलांचा वर्षाव करायचा असेल तर त्यासाठी तुम्हाला 75 हजार रुपयांपासून ते 1.50 लाख रुपयांपर्यंत खर्च येतो. जर तुम्हाला त्यापेक्षा अधिक 25 ते 50 किलो फुलांची उधळण करायची असेल तर त्यासाठी 1.50 लाख ते 2.50 लाख रुपये एवढा खर्च येतो. जर तुम्हाला त्यापेक्षा जास्त म्हणजे 100 किलो पर्यंत फुलांची उधळण करायची असेल तर त्यासाठी जवळपास साडतीन लाखांच्या आसपास खर्च येतो.
Leave a Reply