लग्नाच्या 6 महिन्यांनी समंथा गरोदर; 39 व्या वर्षी अभिनेत्री होणार आई

अभिनेता नाग चैतन्यला घटस्फोट दिल्यानंतर प्रसिद्ध दाक्षिणात्य अभिनेत्री समंथा रुथ प्रभूने डिसेंबर 2025 मध्ये ‘द फॅमिली मॅन’ या वेब सीरिजचा दिग्दर्शक राज निदिमोरूशी दुसरं लग्न केलं. कोइंबतूर इथल्या ईशा फाऊंडेशनच्या लिंग भैरवी मंदिरात कुटुंबीयांच्या उपस्थितीत त्यांनी लग्न केलं. आता लग्नाच्या सहा महिन्यांनंतर समंथाने चाहत्यांना ‘गुड न्यूज’ दिली आहे. 39 वर्षीय समंथा लवकरच आई होणार असून नुकत्याच एका कार्यक्रमात तिचा बेबी बंप स्पष्ट पहायला मिळाला. तिचा हा व्हिडीओ व्हायरल होताच नेटकऱ्यांनी शुभेच्छांचा वर्षाव करण्यास सुरुवात केली. समंथाचा नुकताच ‘मा इंटी बंगारम’ हा चित्रपट प्रदर्शित झाला. याच चित्रपटाचा यश साजरा करण्यासाठी समंथाने तिच्या टीम आणि पती राजसोबत केक कापला. याच सेलिब्रेशनच्या फोटो आणि व्हिडीओंमध्ये समंथा गरोदर असल्याचं पहायला मिळालं.

समंथाच्या ‘मा इंटी बंगारम’ या चित्रपटाला प्रेक्षकांकडून चांगला प्रतिसाद मिळत आहे. हाच आनंद साजरा करण्यासाठी या चित्रपटाची संपूर्ण टीम एकत्र जमली होती. यावेळी समंथा आणि राज यांनी एकत्र केक कापला. या सेलिब्रेशनच्या व्हिडीओमध्ये समंथा अगदी साध्या लूकमध्ये दिसली. तिने फिकट निळ्या रंगाचा टी-शर्ट आणि जीन्स परिधान केला होता. या बॉडी-फिट टी-शर्टमध्ये समंथाचा बेबी बंप सहज पहायला मिळाला. हे पाहताच नेटकऱ्यांनी समंथा आणि राजवर शुभेच्छांचा वर्षाव करण्यास सुरुवात केली. ‘ती प्रेग्नंट आहे, अभिनंदन सॅम’, असं एकाने लिहिलं. तर ‘होय, बेबी बंप स्पष्ट पहायला मिळतंय’, असं दुसऱ्याने म्हटलंय.

समंथाचा व्हिडीओ

 

View this post on Instagram

 

A post shared by Pallav Paliwal (@pallav_paliwal)

प्रेग्नंसीबाबत अद्याप समंथा किंवा राजने कोणतीच अधिकृत माहिती दिली नाही. मात्र ‘हिंदुस्तान टाइम्स’ने दिलेल्या वृत्तानुसार, समंथा खरोखरंच गरोदर आहे. हे दोघंही त्यांच्या या नवीन सुरुवातीबद्दल खूप आनंदी आहेत. लवकरच समंथा आणि राज मिळून ही आनंदाची बातमी चाहत्यांना सांगतील.

समंथा आणि राज यांनी 1 डिसेंबर 2025 रोजी कोइंबतूरमधल्या ईशा योग सेंटरमधील लिंग भैरवी मंदिरात लग्न केलं. या लग्नाला फक्त जवळचे कुटुंबीय आणि मित्र उपस्थित होते. समंथा आणि राज यांनी ‘द फॅमिली मॅन 2’ आणि ‘सिटाडेट: हनी बनी’ या वेब सीरिजसाठी एकत्र काम केलं होतं. राजने याआधी सहाय्यक दिग्दर्शिका श्यामली डे हिच्याशी लग्न केलं होतं. श्यामलीने राकेश ओमप्रकाश मेहरा आणि विशाल भारद्वाज यांसारख्या दिग्दर्शकांसोबत काम केलंय. तर समंथाने याआधी नाग चैतन्यशी लग्न केलं होतं. लग्नाच्या चार वर्षांनंतर त्यांनी घटस्फोट घेतला. समंथा घटस्फोट दिल्यानंतर नाग चैतन्यने अभिनेत्री सोभिता धुलिपालाशी दुसरं लग्न केलं.

Source link