1980 च्या दशकातील हिंदी चित्रपटसृष्टीतील गाणी आजही रसिकांच्या मनात तितकीच जिवंत आहेत. त्या काळातील गाण्यांमध्ये असलेली साधी पण मनाला भिडणारी शब्दरचना, भावपूर्ण संगीत आणि सुरेल आवाज यामुळे ही गाणी काळाच्या पुढे जाऊनही लोकप्रिय राहिली आहेत.
रेडिओ, कॅसेट आणि ग्रामोफोनच्या माध्यमातून घराघरांत पोहोचलेली ही गाणी आज सोशल मीडियावर आणि म्युझिक अॅप्सवरही मोठ्या प्रमाणात ऐकली जातात. अशाच सदाबहार गाण्यांपैकी एक म्हणजे ‘तू इस तरह से मेरी जिंदगी में’.
हे गाणं 1980 मध्ये प्रदर्शित झालेल्या आप तो ऐसे ना थे या चित्रपटातील आहे. हे गाणे प्रसिद्ध गायिका हेमलता यांनी आपल्या मधुर आवाजात गायले होते. ‘तू इस तरह से मेरी जिंदगी में’ या गाण्यात प्रेम, विरह आणि भावनिक ओढ यांचे सुंदर मिश्रण पाहायला मिळते.
गाण्याचे बोल इतके साधे आणि वास्तववादी आहेत की, ते थेट श्रोत्यांच्या मनात उतरतात. त्या काळात हे गाणे रेडिओवर सतत वाजत असे. अनेक जण कॅसेट प्लेयरवर हे गीत पुन्हा पुन्हा ऐकत तासन्तास रमून जात असत.
या गाण्याची खासियत म्हणजे त्यातील भावनांची प्रामाणिकता. कोणताही भपकेबाजपणा किंवा मोठेपणा न दाखवता केवळ संगीत, शब्द आणि अभिनयाच्या जोरावर हे गाणे लोकांच्या मनात घर करून गेले. त्यामुळेच तब्बल 46 वर्षांनंतरही या गाण्याची लोकप्रियता अजिबात कमी झालेली नाही.
Leave a Reply