रेल्वे स्थानकावर अनेक चिन्ह, आकृत्या आणि दिशानिर्देश दिलेले बोर्ड असतात. या प्रत्येक चिन्ह आकृत्यांचा एक विशेष अर्थ असतो. सामान्यांना प्रवास सोपा व्हावा यासाठी हे नियम तयार केलेले असतात.
रेल्वे विभागात प्रवाशांना प्रवास तसेच रेल्वे विभागात काम करणाऱ्या कर्मचाऱ्यांना त्यांचे रोजचे काम सोपे व्हावे यासाठी या नियमांचे तंतोतंत पालन केले जाते. परंतु तुम्ही रेल्वे स्टेशनच्या बोर्डावर असलेल्या पिवळ्या रंगाकडे कधी लक्ष दिले आहे का.
भारतातील प्रत्येक रेल्वे स्थानकावर स्टेशनच्या नावाचा जो बोर्ड असतो, त्याला पिवळाच रंग दिलेला असतो. पिवळ्या रंगाच्या या बोर्डावर काळ्या रंगाने स्टेशनचे नाव दिलेले असते. यामागचे नेमके लॉजिक समजून घेऊ या…
पिवळा रंग हा इतर रंगांच्या तुलनेत लांबून जास्त दिसतो. या रंगाचा मनावर सकारात्मक प्रभाव पडतो. पिवळ्या बोर्डावर काळ्या रंगाची अक्षरे स्पष्ट आणि लांबूनच दिसतात. त्यामुळे प्रवाशांना अडचण होत नाही. म्हणूनच रेल्वे स्टेशनवर पिवळ्या रंगाचा बोर्ड लावलेला असतो.
पिवळ्या रंगाचा बोर्ड दिसताच रेल्वेचा चालक सतर्क होतो. रेल्वेचा वेग कमी करतो. तसेच प्रवाशांनाही आपण कोणत्या रेल्वे स्टेशनवर पोहोचलो याची लगेच माहिती मिळते. त्यामुळे स्टेशनच्या बोर्टासाठी पिवळ्या रंगाचे खूप महत्त्व असते.
Leave a Reply