रेफरीच्या तोंडावर थुंकला आणि करिअर संपलं! या खेळाडूला मिळाली फिफा स्पर्धेतील सर्वात मोठी शिक्षा

फिफा वर्ल्डकप 2026 स्पर्धेत प्रत्येक सामन्यात काही ना काही घडत आहे. काही चांगलं तर काही वाईटही आहे. असं असताना फिफा वर्ल्डकप स्पर्धेच्या इतिहासात काही विचित्र घटनाही घडल्या आहे. अनेक खेळाडूंना नियम मोडल्याने शिक्षा सुनावली गेली आहे. असं असताना फिफा वर्ल्डकप स्पर्धेत एका खेळाडूला एका वर्षाच्या बंदीला सामोरं जावं लागलं होतं. (PC-Samir Shaker INSTAGRAM)

इराकचा माजी फुटबॉलपटू समीर शेकरला त्याच्या कृतीसाठी शिक्षा सुनावली गेली होती. 1986 फिफा वर्ल्डकप स्पर्धेत त्याने केलेली कृती आजही चर्चेत आहे. (PC-Samir Shaker INSTAGRAM)

समीर शेकर इराकसाठी 1986 मध्ये फिफा वर्ल्डकप स्पर्धेत खेळला होता. ही स्पर्धा मॅक्सिकोत आयोजित करण्यात आली होती. या स्पर्धेतील बेल्जियमविरुद्धच्या सामन्यात त्याने धक्कादायक कृत्य केले. त्याने कोलंबियाई रेफरी जीसस जियाजवर थुंकला होता. (PC-Samir Shaker INSTAGRAM)

समीर शेकरच्या या कृत्यानंतर फिफाने त्या घटनेचा तपास आणि चौकशी केली. त्यानंतर समीर शेकरवर एका वर्षाची बंदी घालण्यात आली. ही फिफा वर्ल्डकप स्पर्धेतील सर्वात कठोर शिक्षा मानली जाते. (PC-Samir Shaker INSTAGRAM)

दुर्दैवाने यानंतर समीर शेकर इराकच्या राष्ट्रीय संघात पुन्हा दिसला नाही. पण काही कालावधीनंतर समीर शेकर चर्चात राहिला. बांगलादेशचा हेड कोच झाल्यानंतर त्याच्या प्रशिक्षणाखाली संघ SAFF Football Championships च्या अंतिम फेरीत पोहोचला होता. (PC-Samir Shaker INSTAGRAM)