राज्य निवडणूक आयोगाने स्पेशल इंटेन्सिव्ह रिव्हीजन (SIR) मोहिमेबाबत महत्त्वाची माहिती दिली आहे. मतदार यादीत आपले नाव आहे की नाही हे आता घरबसल्या सहज तपासता येणार आहे. निवडणूक आयोगाच्या वेबसाईटवर संपूर्ण देशातील राज्यांची यादी उपलब्ध करण्यात आली आहे. नागरिकांनी वेबसाईटवर जाऊन आपले राज्य, जिल्हा आणि मतदारसंघ निवडून नाव शोधता येणार आहे.
अधिकाऱ्यांनी सांगितले की, मतदारांनी पूर्वी कोणत्या मतदारसंघात मतदान केले होते हे आठवत असल्यास नाव शोधणे अधिक सोपे होईल. मतदारसंघाचे नाव टाकूनही मतदार यादीतील माहिती मिळू शकते. त्यामुळे नागरिकांनी आपली माहिती अचूकपणे अधिकाऱ्यांना द्यावी, असे आवाहन करण्यात आले आहे.
स्पेशल इंटेन्सिव्ह रिव्हिजन (SIR) अंतर्गत मतदार गणना फॉर्म भरण्याची प्रक्रिया पूर्णपणे ऑनलाईन करण्यात आली आहे. बीएलओ अधिकारी घरी आल्यानंतर नागरिकांनी आवश्यक माहिती आणि कागदपत्रे तयार ठेवावीत. तसेच निवडणूक आयोगाच्या वेबसाईटवरून बुथ, सीरिअल नंबर आणि मतदारसंघाची माहिती शोधून ठेवल्यास प्रक्रिया अधिक सुलभ होणार असल्याचे अधिकाऱ्यांनी स्पष्ट केले. महत्त्वाची बाब म्हणजे, 2004-05 मध्ये किंवा वर्षांपूर्वी तुम्ही कोणत्याही शहरात राज्यात असले तरी आम्ही तयार केलेल्या मॅपींगद्वारे तुमची माहिती सहज मिळेल.
Leave a Reply