NEE Paper Leak 2024 : सध्या देशात नीट पेपर लीकचा मुद्दा केंद्रस्थानी आहे. याच पेपर फुटीचा मुद्दा घेऊन कॉकरोच जनता पार्टीचे (सीजेपी) दिल्लीच्या जंतर-मंतर मैदानावर आंदोलन सुरू आहे. या आंदोलनाला देशभरातू उत्स्फूर्त प्रतिसाद मिळतोय. केंद्रीय शिक्षणमंत्री धर्मेंद्र प्रधान यांचा राजीनामा घ्या, अशी मागणी आंदोलकांकडून केली जातेय. आता सीजेपीने 24 जुलै रोजी देशव्यापी आंदोलनाची हाक दिली आहे. एकीकडे यंदाच्या नीट पेपरफुटीमुळे देशातील वातावरण ढवळून निघालेले असताना 2024 सालच्या नीट पेपर लीकमधील आरोपीस क्लीनचीट देण्यात आली आहे.
संजीव मुखिया याला केलं होतं अटक
मिळालेल्या माहितीनुसार नीट यूजी 2024 च्या परीक्षा पेपर लीक प्रकरणातील मास्टरमांईंड म्हणून समोर आलेल्या संजीव कुमार उर्फ संजीव मुखीय या आरोपीला सीबीआयने क्लीनचीट दिली आहे. सीबीआयने गुरुवारी संजीव मुखिया यांच्याविरोधात कोणतेही पुरावे नाहीत, असं सांगितलं आहे. नीट यूजी 2024 पेपरफुटी प्रकरणात बिहार पोलिसांनी नांलंदाचा रहिवासी असलेल्या संजीव मुखिया याला आरोपी म्हणून अटक केलं होतं. सुरुवातीला तो काही दिवस फरार होता. नंतर त्याला अटक करून त्याची चौकशी केली होती. पुढे हे प्रकरण सीबीआयकडे सोपवण्यात आले होते.
सीबीआयने नेमकं काय सांगितलं?
सीबीआयने गुरुवारी 2024 सालच्या पेपरफुटीवर सविस्तर भाष्य केलं. या प्रकरणात अगोदर आम्हाला संजीव मुखिया यांच्यावर संशय आला होता. कारण अन्य काही पेपरफुटी प्रकरणातही त्याचे नाव समोर आले होते. त्यानंतर त्याचे एफआयआरमध्येही नाव लिहिण्यात आले होते. पुढे तपासात मात्र त्याच्याविरोधात पुरावे आढळले नाहीत, असं सीबीआयने सांगितलं.
2024 सालचं पेपरफुटी प्रकरण काय होतं?
2024 साली नीट यूजी परीक्षेत पेपरफुटी झाली होती. पाटण्यात एका शाळेच्या वसतीगृहात विद्यार्थ्यांकडे या परीक्षेचा पेपर अगोदरच पोहोचला होता. पेपरफुटीचे हे प्रकरण समोर आल्यानंतर बिहार पोलिसांनी काही विद्यार्थी तसेच पेपरफुटी करणाऱ्या टोळीला ताब्यात घेतलं होतं. या प्रकरणात सुरुवातीला संजीव मुखिया याचे नाव मास्टरमाईंड म्हणून समोर आले होते. सर्वात अगोदर झारखंडमधील हजारीबाग येथून हा पेपर लीक करण्यात आला होता. त्यानंतर लाखो रुपये घेऊन नंतर हा पेपर वाटण्यात आला होता.
Leave a Reply