दिल्लीमधून एक धक्कादायक घटना समोर आली आहे. शहरातील सफदरजंग परिसरात एका जजने आत्महत्या केली आहे. घटनेबाबत मिळालेल्या माहितीनुसार अमन कुमार शर्मा असं या जजचं नाव आहे. त्यांनी गळफास घेऊन आपलं आयुष्य संपवलं आहे. त्यांनी नेमकी आत्महत्या का केली याचं कारण अजूनही अस्पष्ट आहे. या घटनेनं मोठी खळबळ उडाली आहे. दरम्यान घटनेची माहिती मिळताच दिल्ली पोलीस घटनास्थळी पोहोचले. घटनेबाबत अधिक तपास सुरू असल्याची माहिती पोलिसांकडून देण्यात आली आहे. ही घटना दक्षिण दिल्लीच्या ग्रीन पार्क परिसरात घडल्याची माहिती समोर येत आहे.
घटनेबाबत अधिक माहिती अशी की, दिल्लीच्या ग्रीन पार्क परिसरात ही घटना घडली आहे. अमन कुमार शर्मा यांनी गळफास घेऊन आपलं आयुष्य संपवलं आहे. हा परिसर दिल्लीच्या सफदरजंग एनक्लेव्ह पोलीस ठाण्यातंर्गत येतो. दरम्यान घटना समोर येताच तातडीने या घटनेची माहिती पोलिसांना देण्यात आली. घटनेची माहिती मिळताच पोलीस घटनास्थळी हजर झाले. पोलिसांनी दिलेल्या माहितीनुसार अमन कुमार शर्मा वय 30 वर्ष, राहणार यू-4ए, पहिला मजला ग्रीन पार्क मेन असं मृत व्यक्तीचं नाव आहे. अमन कुमार शर्मा हे कडकडडूमा कोर्टमध्ये जज होते, अशी माहिती समोर येत आहे.
पोलिसांनी दिलेल्या माहितीनुसार अमन कुमार शर्मा यांनी आत्महत्या केल्याची माहिती त्यांचे मेहुणे शिवम यांनी पोलिसांना दिली. दरम्यान अमन कुमार शर्मा यांनी आत्महत्या केली की काही घात पात आहे? या अनुषंगाने देखील पोलिसांचा तपास सुरू आहे. मात्र प्राथमिक तपासामध्ये हा घात पात आहे, अशा स्वरुपाचे कोणतेही पुरावे पोलिसांना घटनास्थळी आढळून आलेले नाहीयेत.घटनेबाबत अधिक तपास सुरू असल्याचं पोलिसांनी सांगितलं आहे. पोलिसांनी अमन कुमार यांचा मृतदेह पोस्टमार्टम साठी पाठवला आहे.पोस्ट मार्टमचा अहवाल आल्यानंतरच मृत्यूचं नेमकं कारण स्पष्ट होणार आहे. मात्र त्यांनी आत्महत्या का केली? याबाबत अद्याप पोलिसांना कोणतीही माहिती मिळू शकलेली नाहीये, सध्या पोलिसांकडून त्यांच्या कुटुंबाची आणि शेजाऱ्यांची चौकशी सुरू आहे.
Leave a Reply