मध्य पूर्वेत पुन्हा एकदा तणाव वाढला आहे, अमेरिकेकडून इराणला सातत्याने हल्ल्याची धमकी देण्यात येत आहे. इराणने अणु करार करावा यासाठी इराणवर दबाव निर्माण केला जात आहे. इराणने जर लवकरात लवकर अणु करार केला नाही तर आम्ही त्यांच्यावर पुन्हा हल्ला करू, आमचं सैन्य तयार आहे असंही अनेकदा अमेरिकेचे राष्ट्राध्यक्ष डोनाल्ड ट्रम्प यांनी बोलून दाखवलं आहे. त्यात भरीस भर म्हणून इराणकडून अमेरिकेला नवा प्रस्ताव पाठवण्यात आला होता, तो देखील अमेरिकेनं फेटाळून लावला आहे. अणू करार आणि पूर्ण युद्धविराम हे एकाचवेळी व्हावेत अशी आमची भूमिका असल्याचं अमेरिकेनं म्हटलं आहे. दरम्यान त्यानंतर आता डोनाल्ड ट्रम्प यांनी सोशल मीडियावर पोस्ट केलेल्या एका फोटोमुळे मोठी खळबळ उडाली आहे.
डोनाल्ड ट्रम्प यांनी पोस्ट केलेल्या फोटोमुळे लवकरच मध्य पर्वेत काहीतरी भयंकर घडणार असल्याचा अंदाज व्यक्त केला जात आहे, तसेच अमेरिका इरामध्ये सैन्य घुसवणार का? असा प्रश्न देखील उपस्थित केला जात आहे. डोनाल्ड ट्रम्प यांनी सोशल मीडियावर एक फोटो पोस्ट केला आहे, ज्यामध्ये त्यांनी इराणच्या नकाशावर अमेरिकेचा झेंडा दाखवला आहे. त्यांनी या पोस्टवर मोठा संदेश लिहिणं टाळलं आहे, फक्त यूनाइटेड स्टेट ऑफ मिडिल ईस्ट एवढाच संदेश त्यांनी आपल्या या पोस्टमध्ये लिहिला आहे. मात्र डोनाल्ड ट्रम्प यांच्या या चार शब्दांमुळे जगभरात मोठी खळबळ उडाली आहे.
दरम्यान डोनाल्ड ट्रम्प यांनी हा फोटो अशावेळी पोस्ट केला आहे, जेव्हा अमेरिकेनं इराणने पाठवलेला नवा प्रस्ताव देखील फोटाळून लावला आहे. इराणने अमेरिकेला युद्ध थांबवण्याबाबत नवा प्रस्ताव पाठवला होता, ज्यामध्ये त्यांनी स्ट्रेट ऑफ होर्मूज पुन्हा एकदा ओपन करण्याची तयारी दाखवली होती, तसेच काही अटी देखील घातल्या होत्या, ज्यामध्ये अमेरिकेनं जप्त केलेली आमची संपत्ती मुक्त करावी, स्ट्रेट ऑफ होर्मूजमधील नाकेबंदी उठवावी आणि युद्धात आमचं जे नुकसान झालं आहे, त्याची नुकसान भरपाई आम्हाला मिळावी असं इराणने म्हटलं होतं, मात्र अमेरिकेनं इराणचा हा प्रस्ताव फेटाळून लावला आहे, अमेरिकेनं इराणचा प्रस्ताव फेटाळल्यानंतर आता डोनाल्ड ट्रम्प यांनी हा फोटो सोशल मीडियावर पोस्ट केला आहे.
Leave a Reply