राज्याचे मुख्यमंत्री एकनाथ शिंदे गेल्या काही दिवसांपासून ऑपरेशन टागयरमध्ये व्यस्त आहेत. काल रात्री उशीरा गंगुबाई शिंदे सभागृहात शिवसेना ठाकरे गटाच्या उपनेत्या शुभांगी पाटील यांचा पक्षप्रवेश झाला. यावेळी शिवसेना शिंदे गटाचे पदाधिकारी मोठ्या संख्येने उपस्थित होते. रात्री सव्वा एकपर्यंत पक्षप्रवेश सुरू होते. मात्र, एकनाथ शिंदे यांची प्रकृती अचानक बिघडली. त्यांना थेट रूग्णालयात दाखल करण्यात आले. एकनाथ शिंदे यांना ठाण्यातील रूग्णालयात दाखल करण्यात आल्याची माहिती मिळतंय. त्यांच्यावर उपचार सुरू आहेत. राज्याचे पावसाळी अधिवेशन आणि ऑपरेशन टायगरदरम्यान त्यांची मोठी धावपळ सुरू होती. अचानक त्यांची प्रकृती बिघडली. डॉक्टरांच्या निगरानीत त्यांच्यावर उपचार सुरू आहेत. सध्या एकनाथ शिंदे यांची प्रकृती स्थिर असल्याचीही माहिती मिळत आहे. सततच्य दगदगीमुळे त्यांची प्रकृती बिघडल्याचे कळतंय. विधिमंडळाचे कामकाज सुरू असतानाच एकनाथ शिंदे यांना ताप आला होता. तोही त्यांनी अंगावर काढला. त्यानंतर त्यांची प्रकृती जास्तच बिघडली आणि त्यांना तात्काळ रूग्णालयात दाखल करण्यात आले.
शुभांगी पाटील यांच्याही पक्षप्रवेशादरम्यान एकनाथ शिंदे उपस्थित नव्हते. श्रीकांत शिंदे यांच्या उपस्थितीमध्ये हा पक्षप्रवेश पार पडला. एकनाथ शिंदे यांच्या उपस्थितीमध्येच शुभांगी पाटील यांचा पक्षप्रवेश होणार होता. मात्र, एकनाथ शिंदे यांची प्रकृती जास्तच बिघडल्याने ते या पक्षप्रवेशासाठी उपस्थित राहू शकले नाहीत. काही दिवसांपूर्वीच एकनाथ शिंदे दिल्लीला गेले होते.
ऑपरेशन टायगरमध्ये दिल्लीला त्यांच्या चक्कर होत आहेत. शिवसेना ठाकरे गटातील तब्बल 6 खासदार एकनाथ शिंदे यांनी फोडले. यासोबतच मुंबईमधील ठाकरे गटाचे महत्वाचे नेते म्हणून सचिन आहिर यांच्याकडे बघितले जाते. सचिन आहिर हे देखील शिंदे गटाच्या गळ्याला लागले. त्यांना थेट विधान परिषदेचे उपसभापतीपदही मिळाले.
ठाकरे गटाला एका मागून एक धक्के एकनाथ शिंदे यांच्याकडून दिली जात आहेत. एकनाथ शिंदे सक्रिय आहेत. राज्याचे पावसाळी अधिवेशन सुरू असल्यानेही एकनाथ शिंदेंची धावपळ सुरू आहे. त्यामध्येच आता त्यांची प्रकृती खालावली आहे. एकनाथ शिंदे यांची प्रकृती सध्या तरी स्थिर असली तरीही डॉक्टरांचे बारीक लक्ष आहे.
Leave a Reply