Jalgaon : महिलांवरील अत्याचार थांबावेत म्हणून अतिशय कठोर कायद्यांची तरतूद आहे. परंतु तरीदेखील रोज राज्यात महिला अत्याचाराच्या घटडतच आहेत. राज्याच्या कोणत्यातरी भागात खून, बलात्कार, विनयभंग, हुंडाबळी, माहराण अशा प्रकरणांची नोंद होते. काही प्रकरणं तर एवढी भीषण असतात की त्याबाबत समजताच समाजातून मोठा संताप व्यक्त केला जातो. सध्या जळगाव जिल्ह्यात अशीच एक धक्कादायक आणि चीड आणणारी घटना घडली आहे. जंगलात एका महिलेवर सामूहिक बलात्कार करण्यात आला आहे.
नेमकं काय घडलं?
दाखल तक्रारीनुसार जळगावच्या जामनेर तालुक्यातील एका रोडच्या बाजूला असलेल्या जंगलात 40 वर्षीय महिलेवर सामूहिक अत्याचार करण्यात आला आहे. युसूफ नामदार तडवी आणि अशपाक इमाम तडवी अशी दोन आरोपींची नावे आहेत. या दोघांनी महिलेवर जबरदस्तीने सामूहिक बलात्कार केला, असा आरोप करण्यात आल्याची माहिती पोलिसांनी दिली.
व्हिडीओ सोशल मीडियावर केले व्हायरल
महिलेसोबत कुकृत्य करताना या दोन्ही नराधमांनी मोबाईलमध्ये व्हिडीओ रेकॉर्डिंग केल्याचाही प्रकार समोर आला आहे. या दोघांनी महिलेवरील अत्याचाराचे व्हिडीओ करून ते सोशल मीडियावर व्हायरल केल्याचेही समोर आले आहे. पीडित महिला जंगलात तिच्या ओळखीच्या तरुणांबरोबर बसलेली होती. याच वेळी आरोपी दोघेजण त्यांच्याकडे गेले.
15 जणांविरोधात गुन्हा दाखल, 14 जणांना अटक
मित्रांसोबत महिला दिसताच त्यांनी तिला धमकी देण्यास सुरुवात केली. त्यानंतर तिच्यावर सामूहिक अत्याचार केला, अशी माहिती समोर आली आहे. हा प्रकार समोर आल्यानंतर घटनेचे गांभीर्य लक्षात घेऊन पोलीस अधीक्षक श्रीकांत धिवरे यांच्यासह अधिकाऱ्यांनी घटनास्थळाला भेट दिली. या प्रकरणी फत्तेपूर पोलीस ठाण्यात 15 जणांविरुद्ध गुन्हा दाखल करण्यात आला आहे. आतापर्यंत अत्याचार करणाऱ्या दोघांसह 14 आरोपींना पोलिसांनी अटक केली आहे. या संपूर्ण घटनेचा तपास आता चालू करण्यात आला आहे. या घटनेतील दोषींना कठोरातील कठोर शिक्षा करावी, अशी मागणी केली जात आहे. पोलिसांनीही आरोपींना अटक केली असून सखोल तपास केला जाईल, असे आश्वासन दिले आहे.
Leave a Reply