अहिल्यानगरच्या मुकुंदनगर परिसरात धीरज परदेशी या तरुणावर झालेल्या हल्ल्याच्या घटनेनंतर शहरात तणावाचे वातावरण निर्माण झाले. 7 ऑगस्ट रोजी स्ट्रीट लाईटच्या कामासाठी गेलेल्या धीरजवर हल्ला झाल्याचे समोर आले. या प्रकरणात पोलिसांनी 6 जणांना अटक केली आहे.
धीरज हा अहिल्यानगर महापालिकेच्या विद्युत विभागातील ठेकेदाराकडे हेल्पर म्हणून काम करत होता. कामासाठी दर्गादायरा कब्रस्तान परिसरात गेल्यानंतर त्याच्यावर हल्ला झाल्याची माहिती आहे. या घटनेनंतर नागरिकांमध्ये संताप व्यक्त करण्यात आला.
धीरजला न्याय मिळावा, यासाठी अहिल्यानगर बंदची हाक देण्यात आली होती. नागरिकांनी ठिय्या आंदोलन करत कारवाईची मागणी केली. आमदार संग्राम जगताप आणि भाजपचे नेते गोपिचंद पडळकर यांनीही आंदोलनात सहभाग घेतला.
दरम्यान, मुख्यमंत्री देवेंद्र फडणवीस यांच्या फोननंतर आंदोलन मागे घेण्यात आले. मुख्यमंत्र्यांनी सर्व आरोपींवर कठोर कारवाई करणार असल्याचे आश्वासन दिले आहे. मृत तरुणाच्या कुटुंबीयांनी आरोपींवर कठोर कारवाईची मागणी केली आहे.
Leave a Reply