बॉलिवूडमध्ये प्रेम, विरह आणि एकतर्फी प्रेम अशा प्रत्येक भावनेवर असंख्य गाणी तयार झाली आहेत. त्यापैकी 1993 मध्ये प्रदर्शित झालेल्या 'बाजीगर' या सुपरहिट चित्रपटातील 'छुपाना भी नहीं आता, जताना भी नहीं आता' हे गाणे आजही ब्रेकअप झालेल्या चाहत्यांच्या आवडत्या गाण्यांपैकी एक मानले जाते.
अनेक वर्षांनंतरही या गाण्याची लोकप्रियता कायम असून, त्यातील भावनिक शब्द आणि प्रभावी सादरीकरणामुळे ते आजही रसिकांच्या मनाला भिडते. या गाण्याला गायक विनोद राठोड यांनी आवाज दिला असून, संगीतकार अनु मलिक यांनी त्याला सुरेल संगीत दिले आहे.
गाण्यातील 'हथेली पर तुम्हारा नाम, लिखते हैं मिटाते हैं' ही ओळ विशेष लोकप्रिय झाली होती. एकतर्फी प्रेमातील वेदना आणि मनातील भावनांचा संघर्ष या गाण्यातून अत्यंत प्रभावीपणे मांडण्यात आला आहे.
या गाण्याचे आणखी एक वैशिष्ट्य म्हणजे अभिनेता सिद्धार्थ रे यांचा हृदयस्पर्शी अभिनय. 'बाजीगर'मध्ये त्यांनी इन्स्पेक्टर करण सक्सेना ही भूमिका साकारली होती. चित्रपटात ते काजोलच्या मैत्रीपूर्ण सहवासात असलेले पोलिस अधिकारी दाखवले आहेत.
90 च्या दशकात हे गाणे ब्रेकअप झालेल्या तरुणांचे जणू 'अँथम' बनले होते. शाळा आणि महाविद्यालयातील युवकांमध्ये या गाण्याची प्रचंड लोकप्रियता होती. आजही सोशल मीडियावर आणि विविध संगीत प्लॅटफॉर्मवर हे गाणे तितक्याच आवडीने ऐकले जाते.
Leave a Reply