निसर्गाने स्त्री आणि पुरुषाच्या शरीरात निसर्गत:च काही अंतर ठेवलेले आहे. या अंतरामुळेच महिला आणि पुरुष असा मणुष्याच्या दोन प्रजाती आहेत, असे मानायला हरकत नाही. स्त्री आणि पुरुषाच्या शरीराची ठेवण जशी वेगळी असते त्याच पद्धतीने स्त्री आणि पुरुषाच्या मेंदूमध्येही काही गोष्टी वेगळ्या असतात.
स्त्री आणि पुरुष यांच्या मेंदूमध्ये नेमका काय बदल असतो, हे जाणून घेऊ या. स्त्री आणि पुरुष यांच्या मेंदूची रचना आणि कार्य करण्याची पद्धत वेगळी असते. पुरुषांचा मेंदू हा महिलांच्या मेंदूच्या तुलनेत साधारण 10 टक्के मोठा असतो.
महिलांचा मेंदू पुरुषापेक्षा वजनाने लहान आहे म्हणजे पुरुष हे महिलांपेक्षा जास्त बुद्धीमान असतात असा त्याचा अर्थ होत नाही. पुरुषांच्या मेंदूमध्ये व्हाईट मॅटर जास्त असतो. महिलांच्या मेंदूमध्ये ग्रे मॅटरचे प्रमाण अधिक असते.
मेंदूमधील हिप्पोकॅम्पस हा भाग स्मरणशक्तीशी निगडीत असतो. पुरुषांच्या तुलनेत महिलांच्या मेंदूमध्ये हा भाग जास्त सक्रीय असतो. म्हणूनच लक्षात ठेवण्याची कला महिलांमध्ये पुरुषांच्या तुलनेत जास्त असते.
(टीप- या लेखातील सर्व माहिती ही प्राथमिक स्वरुपाची आहे. सविस्तर माहितीसाठी किंवा कोणताही प्रयोग करण्याआधी त्या-त्या क्षेत्रातील तज्ज्ञांशी संपर्क साधावा)
Leave a Reply