Dinyar Tirandaz Passed Away: 90 च्या दशकातील प्रसिद्ध आणि लोकप्रिय अभिनेते दिनयार तीरंदाज यांचं मुंबईत निधन झालं आहे. वयाच्या 69 व्या वर्षी दिनयार तीरंदाज यांनी अखेरचा श्वास घेतला. दिनयार यांचं गुरुवारी त्यांच्या मुंबई येथील राहत्या घरी निधन झालं. दिनयार यांनी त्यांच्या विनोदबुद्धीने आणि पारसी व्यक्तिरेखांना जिवंत करण्यासाठी ओळखले जाणारे दिनयार तिरंदाज यांच्या निधनाची बातमी सोशल मीडियाद्वारे समोर आली आहे. दिनयार यांच्या निधनानंतर बॉलिवूडमध्ये शोककळा पसरली आहे. बॉलिवूडचे अनेक सेलिब्रिटी देखील त्यांना श्रद्धांजली देण्यासाठी पोहोचले.
‘पारसी झोरोस्ट्रियन वर्ल्डवाइड – हैदराबाद’ या सोशल मीडिया पेजने त्यांच्या निधनाची बातमी शेअर केली. “रुस्तम तिरदार यांचे भाऊ दिनयार तिरदार यांचं निधन झालं असून ते आता आपल्यात नाहीत. मुंबईतील वाडिया बंगली येथे त्यांना दुपारी 3:45 वाजता अखेरचा निरोप देण्यात आला. ही बातमी इंटरनेटवर व्हायरल होताच. त्याच्या निधनाची बातमी समोर आल्यानंतर अनेकांना मोठा धक्का बसला. पण त्यांच्या निधनाचं नेमकं कारण अद्याप समोर आलेलं नाही. शिवाय त्यांच्या कुटुंबियांनी देखील त्यांच्या निधनाचं ठोस असं कारण सांगितलेलं नाही.
दिनयार यांच्या कारकिर्दीबद्दल सांगायचं झालं तर, अभिनय विश्वात त्यांनी अनेक वर्ष काम केलं आहे. 1984 साली दिग्दर्शक रमेश तलवार दिग्दर्शित ‘दुनिया’ सिनेमातून त्यांनी अभिनेते दिलीप कुमार आणि ऋषी कपूर यांच्यासोबत बॉलिवूडमध्ये पदार्पण केलं. त्यानंतर त्यांनी कधीच मागे वळून पाहिलं नाही आणि बॉलिवूडच्या एकापेक्षा एका सिनेमात दमदार भूमिका साकारत चाहत्यांचं मनोरंजन केलं.
अभिनेता शाहरुख खान स्टारर ‘चलते चलते’ सिनेमात दिनयार यांनी ‘रुस्तम’ नावाची एक प्रेमळ व्यक्तीची भूमिका साकारली होती. त्यानंतर, ‘हॅलो ब्रदर’ सिनेमातील देखील त्यांनी साकारलेल्या भूमिकेला चाहत्यांनी डोक्यावर घेतलं. मैंने प्यार क्यों किया? सिनेमातील त्यांच्या विनोदबुद्धीने चाहत्यांचं मनोरंजन केलं. ‘दिल है के मानता नहीं’, ‘क्या कहना’, ‘अलबेला’, ‘दरार’ आणि ‘कमाल धमाल मालामाल’ या सिनेमांमध्ये देखील दिनयार यांनी भूमिका साकारत चाहत्यांनं मनोरंजन केलं. आज त्यांच्या निधनानंतर बॉलिवूडमध्ये शोककळा पसरली आहे.
Leave a Reply