हिमाचल प्रदेशच्या चंबा जिल्ह्यातील तीसा-बैरागढ मार्गावर आज शनिवारी सकाळी भीषण घटना घडली आहे. या मार्गावरील चालुज वळणावर भरधाव बस उलटल्यानंतर दरीत कोसळून भीषण अपघात झाला. या बसमधील 7 जणांचा दुर्दैवी मृत्यू झाला. तर काही जण गंभीर जखमी झाले. या बसमध्ये एकूण 15 ते 20 प्रवासी होते. जखमींना पुढील उपचारासाठी सिव्हिल रुग्णालयात दाखल करण्यात आलं आहे. बैरागगढहून चंबाच्या दिशेना जाणाऱ्या भरधाव बसचा हा भीषण अपघात झाला आहे.
तीसा-बैरागढ महामार्गावरून सात जणांचा मृत्यू झाला आहे. जवळपास 11 जण जखमी झाले आहेत. मृतांमध्ये चार पुरुष आणि तीन महिलांचा समावेश आहे. या अपघातात बसचा चालक आणि क्लिनरचाही मृत्यू झाल्याचे सांगण्यात येत आहे. या अपघाताविषयी अद्याप कोणतीही सविस्तर माहिती हाती आलेली नाही. अपघात झाल्याची माहिती मिळताच घटनास्थळी एकच गर्दी झाली. स्थानिक लोकांनी तातडीने जखमींच्या मदतीसाठी धाव घेतली.
वळणावर अपघात झाल्याची माहिती मिळताच काही वेळात पोलीस आणि प्रशासनाचं बचाव पथक देखील घटनास्थळी पोहोचलं. अपघात नेमका कसा झाला, याचं कारण अद्याप समोर आलेलं नाही. पोलीस अधिकारी अनुभव शर्मा यांनी या अपघात आणि मृतांच्या संख्येला दुजोरा दिला आहे. पोलीस अधीक्षक विजय सकलानी यांनी सांगितलं की, आम्हाला दुर्घटनेविषयी माहिती मिळाली. या अपघातात 7 प्रवाशांचा मृत्यू झाला. तर अकरा प्रवासी जखमी झाले. अपघाताचं कारण अद्याप अस्पष्ट आहे. अपघाताच्या सखोल तपासानंतर याविषयी माहिती समोर येईल.
मृतांची यादी समोर
जगदेव शर्मा, देस राज, तेजसिंग, जगदेई, त्यांची हरदेई, मोती सिंग यांच्या पत्नी नीलम, राधा राम यांचा मुलगा रूप सिंग यांचा मृत्यू झाला आहे.
जखमींचे नावे काय?
करणसिंग उर्प साहील, सुष्मिता, प्रियंका, हर्षू, पानो देवी, काव्या, धन्नी, धर्मोन देवी, अप्रित मंगल, नेहा, विजय कुमार. या जखमींवर रुग्णालयात उपचार सुरू आहेत. या जखमी प्रवाशांची प्रकृती स्थिर असकल्याचे सांगण्यात आलं आहे.
Leave a Reply