सध्या देशात पेट्रोल, डिझेल, सीएनजीचा भाव दिवसेंदिवस वाढत आहे. या भाववाढीमुळे सामान्यांना मोठी झळ बसत आहे. मुंबईसारख्या शहरात आज पुन्हा एकदा सीएनचीच्या दरात वाढ झाली आहे.
दिवसेंदिवस ही वाढ होत असल्याने भविष्यात पेट्रोल आणि डिझेलची किंमत आणखी किती वाढणार, असा उद्विग्न प्रश्न सामान्यांकडून विचारला जात आहे. यावरच मुख्यमंत्री देवेंद्र फडणवीस यांनी प्रतिक्रिया दिली आहे.
देवेंद्र फडणवीस हे नागपूरच्या दौऱ्यावर होते. यावेळी बोलताना त्यांनी पेट्रोल, डिझेल, सीएनजी, गॅस सिलिंडरचा भाव नेमका का वाढत आहे, त्यामागचे कारण काय आहे? याची सविस्तर माहिती दिली.
आपल्या सगळ्यांनाच माहिती आहे की जगात सध्या इंधनाचं संकट आहे. जगातील सगळ्याच देशांत इंधनाचा भाव वाढलेला आहे. अमेरिका, युरोपातही इंधनाचा भाव वाढला आहे, असे देवेंद्र फडणवीस म्हणाले.
आपल्याला वितरण पुरवठ्यात खंड पडू द्यायचा नसेल तर जास्त पैसे द्यावे लागतील. ही आणीबाणी जेव्हा संपेल तेव्हा इंधनाचे दर स्थिर होतील, अशी दिलासादायक माहिती त्यांनी दिली.
Leave a Reply