सातारा जिल्ह्यातील महाबळेश्वर हे राज्यभरातील नागरिक आणि पर्यटकांचे अत्यंत आवडते पर्यटनस्थळ मानले जाते. दरवर्षी हजारो पर्यटक येथे निसर्गसौंदर्य, धबधबे आणि थंड वातावरणाचा आनंद घेण्यासाठी भेट देतात. मात्र सध्या महाबळेश्वरमध्ये पावसाने अक्षरशः थैमान घातले आहे. गेल्या काही दिवसांपासून सुरू असलेल्या मुसळधार पावसामुळे जनजीवन विस्कळीत झाले असून अनेक भागांमध्ये पाणी साचल्याचे चित्र पाहायला मिळत आहे.
महाबळेश्वरमध्ये सध्या दिवसाला तब्बल 233 मिलीलीटर पावसाची नोंद होत आहे. सततच्या पावसामुळे पर्यटकांनाही सतर्कतेचा इशारा देण्यात आला आहे. या ठिकाणी जोरदार पावसामुळे जमिन खचल्याचंही पाहालयला मिळत आहे.
अलीकडेच महाबळेश्वरमधील एका पदाधिकाऱ्यांच्या बंगल्यासमोर मोठे झाड कोसळल्याची घटना घडली. सुदैवाने या घटनेत कोणतीही जीवितहानी झाली नाही. मात्र या घटनेमुळे परिसरात काही काळ भीतीचे वातावरण निर्माण झाले होते. स्थानिक प्रशासन आणि नागरिकांनी तत्काळ घटनास्थळी धाव घेत झाड हटवण्याचे काम सुरू केले.
Leave a Reply