पंजाब नॅशनल बँकेच्या ग्राहकांसाठी एक महत्त्वाची सूचना आहे. जर तुम्ही PNB चे लोकप्रिय मोबाईल बँकिंग ॲप, ‘PNB ONE,’ किंवा इतर ऑनलाइन बँकिंग सेवा वापरत असाल, तर तुम्ही तुमच्या डिजिटल व्यवहारांचे नियोजन आगाऊ करावे. सिस्टीम अपग्रेड आणि नियोजित देखभालीमुळे पुढील दोन दिवसांत ऑनलाइन सेवांमध्ये काही तासांसाठी व्यत्यय येणार असल्याची सूचना बँकेने दिली आहे. बँकेने ग्राहकांना पाठवलेल्या अधिकृत सूचनेनुसार, ही देखभालीची प्रक्रिया दोन वेगवेगळ्या दिवशी, रात्री उशिरा आणि पहाटेच्या वेळी पार पाडली जाईल. बँकेने वेळाही जाहीर केल्या आहेत. आता या वेळा कोणत्या आहे ते जाणून घ्या…
16 जुलै, 2026: रात्री 12:00 ते पहाटे 2:00 (2 तास)
17 जुलै, 2026: पहाटे 2:00 ते पहाटे 4:00 (2 तास)
या नियोजित देखभालीच्या कालावधीत, PNB ONE ॲप, इंटरनेट बँकिंग, UPI ट्रान्सफर आणि इमिजिएट पेमेंट सर्व्हिस यांसारख्या डिजिटल सेवा अंशतः किंवा पूर्णपणे अनुपलब्ध असू शकतात. बँक ग्राहकांना सल्ला देते की, कोणताही त्रास टाळण्यासाठी त्यांनी आपली अत्यावश्यक देयके, आपत्कालीन निधी हस्तांतरण किंवा इतर ऑनलाइन बँकिंग व्यवहार या अंतिम मुदतीपूर्वी किंवा नंतर पूर्ण करावेत. डिजिटल बँकिंग अधिक सुरक्षित, वेगवान आणि तांत्रिकदृष्ट्या प्रगत करण्यासाठी बँका वेळोवेळी त्यांचे सर्व्हर अद्ययावत करतात. ग्राहकांचा त्रास कमी करण्यासाठी, अशी तांत्रिक देखभाल नेहमी रात्री उशिरा किंवा पहाटेच्या शांत वेळेत नियोजित केली जाते. जर तुमचे पीएनबीमध्ये खाते असेल, तर तुमच्या आर्थिक व्यवहारांचे नियोजन या वेळापत्रकानुसार करा.
तुम्ही पीएनबी वन ॲपद्वारे ही महत्त्वाची अनेक कामे करू शकता. पंजाब नॅशनल बँक वन ॲप ग्राहकांना व्हर्च्युअल डेबिट कार्ड मिळवण्याची सुविधा देखील देते. तुम्ही डेबिट कार्ड पर्यायावर जाऊन व्हर्च्युअल डेबिट कार्ड मिळवू शकता. या ॲपद्वारे, ग्राहक मोबाईल बिल, लँडलाईन बिल, डीटीएच बिल, वीज बिल आणि इतर अनेक बिले भरू शकतात. पीएनबी वन ॲपद्वारे ग्राहक पॉझिटिव्ह पे प्रणाली वापरून चेकची पडताळणी करू शकतात. तुम्ही ऑनलाइन डिमॅट खाते उघडू शकता. तुम्ही कोणत्याही खात्यात ऑनलाइन पैसे हस्तांतरित करू शकता. तुम्ही सुकन्या समृद्धी योजना, एनपीएस आणि इतर खात्यांमध्ये निधी हस्तांतरित करू शकता. तुम्ही आयकर विवरणपत्र भरण्यासाठी टीडीएस/फॉर्म 16 देखील तयार करू शकता. या ॲपद्वारे तुम्हाला व्हॉइस असिस्टन्सचाही लाभ मिळेल.
Leave a Reply