देशातील सर्वसामान्य नागरिकांसाठी कमी दरात घरगुती आणि दैनंदिन वापराच्या वस्तू खरेदी करण्यासाठी डी-मार्ट हे लोकप्रिय ठिकाण बनले आहे. किराणा, घरगुती वस्तू, कपडे आणि इतर आवश्यक सामानावर वर्षभर विविध ऑफर्स आणि सवलती दिल्या जात असल्यामुळे ग्राहक मोठ्या प्रमाणात डी-मार्टला पसंती देतात.
मात्र, कोणत्या महिन्यात कोणत्या वस्तूंवर विशेष सवलत मिळते, याची माहिती अनेक ग्राहकांना नसते. दरवर्षी ऑगस्ट महिन्याची सुरुवात होताच अनेक डी-मार्ट स्टोअर्समध्ये विशेष बदल पाहायला मिळतात. विशेषतः तिसऱ्या मजल्यावरील विभागामध्ये रक्षाबंधन सणाच्या पार्श्वभूमीवर विविध प्रकारच्या राख्या विक्रीसाठी मांडण्यात येतात.
रंगीबेरंगी, आकर्षक डिझाइनच्या तसेच मुलांसाठी, महिलांसाठी आणि पारंपरिक अशा अनेक प्रकारच्या राख्यांचा मोठा संग्रह ग्राहकांसाठी उपलब्ध करून दिला जातो. डी-मार्टमध्ये तुलनेने कमी किमतीत राख्या उपलब्ध होत असल्याने महिलांची या विभागात मोठी गर्दी होत असते.
अनेक महिला घरासाठी लागणारे किराणा आणि इतर साहित्य खरेदी करण्याबरोबरच रक्षाबंधनासाठी लागणाऱ्या राख्यांचीही एकाच ठिकाणी खरेदी करतात. त्यामुळे ऑगस्ट महिन्यात या विभागात ग्राहकांची विशेष वर्दळ असते.
याशिवाय, राख्यांसोबतच गिफ्ट पॅक, चॉकलेट्स, सजावटीच्या वस्तू आणि सणासाठी लागणाऱ्या इतर साहित्याचीही विक्री सुरू केली जाते. त्यामुळे रक्षाबंधनाच्या तयारीसाठी ग्राहकांना आवश्यक असलेल्या अनेक वस्तू एकाच छताखाली उपलब्ध होतात.
Leave a Reply