2011 साली प्रदर्शित झालेले ‘व्हाई दिस कोलावेरी डी’ हे तमिळ चित्रपटसृष्टीतील एक ऐतिहासिक गाणे ठरले. 2012 मधील 3 या चित्रपटासाठी तयार करण्यात आलेल्या या गाण्याने रिलीज होताच भारतासह जगभरात प्रचंड लोकप्रियता मिळवली.
चित्रपटात अभिनेता धनुष आणि श्रुती हासन मुख्य भूमिकेत होते तर दिग्दर्शन ऐश्वर्या रजनीकांत यांनी केले होते. या गाण्याचे बोल धनुषने लिहिले असून ते त्याने स्वतः गायले देखील आहे. संगीतकार अनिरुद्ध रविचंदर यांनी हे गाणे अवघ्या 20 मिनिटांत संगीतबद्ध केले तर धनुष यांनी केवळ 6 मिनिटांत त्याचे बोल लिहिले.
‘कोलावेरी डी’ची सर्वात मोठी खासियत म्हणजे त्याची टँग्लिश शैली—तमिळ आणि इंग्रजी शब्दांचे अनोखे मिश्रण. हे गाणे एका ब्रेकअप झालेल्या तरुणाच्या भावनांवर आधारित असल्याने त्याला सूप सॉन्ग असेही संबोधले जाते.
नोव्हेंबर 2011 मध्ये हे गाणे प्रदर्शित झाल्यानंतर सोशल मीडियावर प्रचंड व्हायरल झाले. ट्विटरवरील #Kolaveri हा हॅशटॅग त्या काळात भारतात अव्वल ट्रेंड ठरला. यूट्यूबवर या गाण्याच्या अधिकृत व्हिडिओला पहिल्याच आठवड्यात 35 लाखांहून अधिक व्ह्यूज मिळाले आणि नंतर ते 60 कोटींहून अधिक व्ह्यूजचा टप्पा पार करून गेले.
या गाण्याची लोकप्रियता भारतापुरती मर्यादित राहिली नाही. अमेरिकेतील रेडिओ स्टेशनवरही ते वाजवले गेले. रिलीज झाल्यानंतरच्या पहिल्या 18 दिवसांतच या गाण्याचे तब्बल 41 लाख मोबाईल डाउनलोड्स झाले होते.
Leave a Reply