दहीहंडी उत्सवाच्या पार्श्वभूमीवर, मुंबई आणि ठाणे परिसरात उत्साहाचे वातावरण शिगेला पोहोचले आहे. लाखो गोविंदांनी आज दहीहंडी फोडण्यासाठी सज्ज झाले आहेत. या उत्साहात भर घालण्यासाठी मुख्यमंत्री देवेंद्र फडणवीस हे आज दिवसभर मुंबई आणि ठाण्यातील 14 दहीहंडी मंडळांना भेटी देणार आहेत. या भेटींद्वारे ते गोविंदा पथकांचा उत्साह वाढवणार आहेत. दुपारी साडेबारा वाजल्यापासून त्यांच्या भेटींचा कार्यक्रम सुरू होणार आहे.
शारदा, संकल्प आणि संस्कृती प्रतिष्ठान यांसारख्या प्रसिद्ध दहीहंडी मंडळांना ते विशेषतः भेट देणार आहेत. दहीहंडी मंडळांना भेट देऊन मुख्यमंत्र्यांनी गोविंदांशी संवाद साधणार असल्याची माहिती मिळाली आहे. अनेक दिवसांपासून या गोविंदा पथकांनी दहीहंडीसाठी कसून सराव केला आहे आणि आज सकाळपासूनच त्यांचा उत्साह ओसंडून वाहत आहे. मुख्यमंत्र्यांच्या उपस्थितीमुळे गोविंदांना अधिक प्रेरणा मिळेल, अशी अपेक्षा आहे. मुंबई आणि ठाण्यातील दहीहंडीचा हा उत्सव मोठ्या जल्लोषात साजरा होत आहे.
Leave a Reply