दिल्लीमध्ये एका मागून एक आगीच्या घटना घडत आहेत. मालवीय नगरमध्ये हॉटेलला लागलेली आगीची घटना ताजी असतानाच आज पुन्हा एकदा नोएडामध्ये आग लागली. एका बहुमजली इमारतीला ही आग लागली. मालवीय नगरमध्ये लागलेल्या हॉटेलच्या आगीत 21 जणांचा जीव गेला. या घटनेला दोन दिवस होत नाहीत, तोवरच आता पुन्हा एकदा खळबळ उडाली. 7.20 ला ही आग लागल्याची माहिती मिळत आहे. या आगीच्या घटनेची माहिती मिळताच अग्निशमन दलाने घटनास्थळी धाव घेतली. घटनेची अधिकची माहिती अशी की, नोएडाच्या सेक्टर 74 मधील आयव्ही काउंटी सोसायटीमधील एका फ्लॅटमध्ये आग लागली. अग्निशमन दलाची सहा वाहने घटनास्थळी दाखल झाली. आग विझवण्याचे प्रयत्न सुरू आहेत. ही आग 12 व्या मजल्यावर लागल्याचे सांगण्यात येत आहे.
फ्लॅटमधून आगीचे मोठे धूर बाहेर येत आहेत. आगीचा भडका उडालाय. काळा धूर आणि आगच सर्वत्र दिसत आहे. प्रशासनाकडून रहिवाशांना सुरक्षितस्थळी हलवले जात आहे. वारे अधिक असल्याने आग अधिक पसरताना दिसत आहे. दोन फ्लॅटला आग लागल्याची माहिती आहे. ही आज 12 व्या मजल्यावर लागल्याने अग्निशमन दलाला थोड्या समस्या येत आहेत.
हा फ्लॅटमध्ये नक्की किती लोक आहेत, याबाबत माहिती मिळत नाहीये. बाजूच्या फ्लॅटमध्ये पीजी असल्याचीही माहिती पुढे येतंय ज्यामुळे काही लोक अडचण्याची शक्यता आहे. आगीची माहिती मिळताच इमारतीमधील लोकांनी रिकाम्या जागेत धाव घेतली. या आगीच्या घटनेचे व्हिडीओ सोशल मीडियावर व्हायरल होत आहेत.
ही आग नक्की कशी लागली, याबाबत काही माहिती पुढे येऊ शकत नाहीये. मात्र, आग ज्यापद्धतीने भडकली आणि त्यानुसार स्पष्ट होते की, पूर्ण फ्लॅट जळून खाक झाला. दिल्ली-एनसीआरमध्ये आगीच्या घटना एका मागून एक सुरू आहेत. त्यामुळे लोकांमध्ये भीतीचे वातावरण बघायला मिळत आहे. सतत आगीच्या घटना सुरू आहेत. आग लागल्याची माहिती मिळताच बचावकार्य राबवण्यात आले. अग्निशमन दलासोबतच पोलिसही मोठ्या संख्येने घटनास्थळी उपस्थित आहेत.
Leave a Reply