Farhana Bhatt Casting Couch : बॉलिवुड हे मोठं मृगजळ आहे. हिरोईन बनवतो अशा भुलथापा देत आतापर्यंत अनेक तरुणींसोबत इथे मोठे मोठे स्कॅम झालेले आहेत. काही तरुणींना तर कास्टिंग काऊचलाही सामोरे जावे लागले आहे. सध्या अशाच एका अभिनेत्रीचा कास्टिंग काऊचचा धक्कादायक अनुभव समोर आला आहे.
या अभिनेत्रीचे नाव फरहाना भट्ट असे आहे. ही अभिनेत्री लवकरच खतरों के खिलाडी सिझन 15 मध्ये झळकणार आहे. या सिझनची सध्या शूटिंग चालू आहे. याआधी या अभिनेत्रीने लैला मजून, सिंघम अगेन अशा चित्रपटांत काम केलेले आहे. तिने दैनिक भास्करशी बोलताना तिच्यासोबत घडलेल्या कास्टिंग काऊचच्या घटनेबाबत सांगितले आहगे.
दिग्दर्शकाच्या फार्महाऊसवर राहावे लागेल
करिअरच्या सुरुवातीला तिला एका महिलेने तुला हिरोईन करते असे सांगत मुंबईत आणले. लवकरच शूटिंग होणार असून हॉटेलमध्ये राहण्याची सोय करण्यात आली आहे, असे मला सांगण्यात आले. परंतु मी मुंबईत गेल्यानंतर मला एका कथित दिग्दर्शकाच्या घरी नेण्यात आले. त्या दिवशी मला रात्री काँ न्ट्रॅक्ट वाचायला देण्यात आले. त्या काँट्रॅक्टमध्ये अनेक अजब अटी होत्या. त्यातच काही आठवडे तुला दिग्दर्शकाच्या फार्महाऊसवर राहावे लागेल, अशीही अट टाकण्यात आली होती, अशी आठवण फरहानाने सांगितली आहे.
दिग्दर्शकाने खोलीमध्ये बसवून ठेवलं
काँट्रॅक्ट वाचून झाल्यावर काहीतरी गडबड असल्याचे फरहानाला समजले. त्यानंतर तिने तिथून बाहेर पडण्याचा प्रयत्न सुरू केला. कथित दिग्दर्शकाने मला त्याच्या खोलीत बोलावले होते. मी खूप घाबरले होते, असेही तिने सांगितले. त्यानंतर मला त्या दिग्दर्शकाने खोलीमध्ये कित्येक तास बसवून ठेवलं. सुरक्षेसाठी मी फुलदान जवळ घेतले होते. माझ्यासोबत काही घडले तर मी थेट हल्ला करणार होते, असी आठवण तिने सांगितली.
कशीबशी अभिनेत्री बाहेर पडण्यात यशस्वी ठरली
काहीतरी विचित्र घडणार असल्याचे समजताच नंतर या अभिनेत्रीने त्या दिग्दर्शकावर दबाव टाकला आणि ती तेथून यशस्वीपणे बाहेर पडली. तेथून बाहेर पडल्यावर मी माझ्या मैत्रिणीसोबत परत श्रीनगरमध्य आलो, असे तिने सांगितले. दरम्यान, आता फरहानाचा हा अनुभव समोर आल्यानंतर सगळीकडे आश्चर्य व्यक्त केले जात आहे.
Leave a Reply