टाटा.इव्ही या कंपनीने ऑल-न्यू सिएरा.इव्ही लाँच केलीये. कंपनीने जुन्या लोकप्रिय कारला नव्या बोल्ड आणि इलेक्ट्रिक रूपात सादर केलंय. खरंतर कंपनीने लोकप्रिय कारचा इतिहास पुन्हा नव्याने लिहिलाय. ही नवीन सिएरा.इव्ही तिच्या जुन्या आणि प्रसिद्ध डिझाईनला नेक्स्ट-जनरेशन ईव्ही तंत्रज्ञानाशी जोडतेय. ग्राहकांना डिजिटल अनुभव आणि आधुनिक वैशिष्ट्यांसह दमदार एसयूव्हीचा अनुभव मिळेल.
सिएरा.इव्ही रस्त्यांवर बादशाहत सिद्ध करण्यासाठी सज्ज झालीये. या कारची 665 किमीची एमआयडीसी रेंज आणि 510-530 किमीची वास्तविक रेंज आहे. तर इव्हीसोबत लाइफटाइम एचव्ही बॅटरी वॉरंटी मिळते. कारचे एक्सप्रेस चार्जिंग तंत्रज्ञान अवघ्या 15 मिनिटांमध्ये 263 किमीपर्यंतचा प्रवास सुलभ करते. तर कारमध्ये 504 एनएम टॉर्क आणि 306 पीएसच्या दमदार पॉवर आहे. त्यामुले ही कार अवघ्या 5.8 सेकंदांत 0 ते 100 किमी/तास असा वेग पकडू शकते.
कारमध्ये ‘गो एनीव्हेअर, डू एनीथिंग’चा अनुभव देखील मिळणार आहे. त्यासाठी ड्युअल-मोटर क्यूडब्ल्यूडी आणि अल्ट्रा ग्लाइड सस्पेंशनसह फ्रिक्वेन्सी डिपेंडंट डॅम्पिंग देण्यात आलंय. गाडीच्या केबिनमध्ये लक्झरी लाइफस्पेसचा फीलसाठी सेगमेंटमधील सर्वात मोठे ‘पॅनोरामॅक्स सनरूफ’, थिएटर प्रो अनुभवासह ट्रिपल स्क्रीन्स, डॉल्बी अॅटमॉस आणि सोनिकशाफ्ट सिस्टीम उपलब्ध करून देण्यात आले आहेत. तसेच ड्रायव्हिंग अधिक सुरक्षित आणि सोपे करण्यासाठी हायपएआर एचयूडी, 5400 एचडी कॅमेरासह 4 साईट ब्लाइंड स्पॉट व्ह्यू देण्यात आले आहेत. तसेच विनासायास प्रवेशासाठी डिजि अॅक्सेस आणि ऑटो पार्क, समन व रिव्हर्स असिस्ट फीचर्स असलेला ‘ई-वालेट सूट’ यांसारखे अत्याधुनिक तंत्रज्ञानाचा देखील समाविष्ट करण्यात आला आहे.
रोजच्या वापरासाठी सोयीस्कर कार शोधणाऱ्या ग्राहकांसाठी ही कार खास आहे. खरंतर एैसपैस जागा, उत्कृष्ट क्षमता मिळते. सिएरा.इव्हीच्या माध्यमातून टाटा.इव्हीने आधुनिक एसयूव्हीसाठी एक नवा मापदंड निर्माण केलाय. त्याचबरोबर ही एसयूव्ही गतीशील, क्षमतापूर्ण आणि अद्वितीयरित्या आयकॉनिक आहे. या कारचे बुकिंग 1 जुलैपासून सुरू झालंय. या कारची 15 जुलै 2026 पासून डिलिव्हरी मिळण्यास सुरुवात होईल, अशी माहिती मिळतेय. सिएरा.इव्हीची सुरुवातीची किंमत १८.७९ लाख रुपये आहे, असं सांगण्यात आलं आहे.
Leave a Reply