तुकाराम मुढे यांनी FDA अन्न व औषध प्रशासनाच्या आयुक्तपदाचा पदभार स्विकारल्यानंतर राज्यभरात कामचा धडका लावला आहे. त्यांच्या कामाचं राज्यभरातून कौतुक होत आहे. अधिकारी असावा तर तो तुकाराम मुंढे यांच्या सारखा अशा प्रतिक्रिया नागरिकांमधून येत असल्याचं दिसून येत आहे. मुंढे हे आणखी एका कारणासाठी राज्यभरात चर्चेत आहेत, ते म्हणजे त्यांच्या 21 वर्षांच्या प्रशासकीय कारकिर्तीमध्ये मुंढे यांची तब्बल 25 वेळा बदली झाली आहे. त्यांनी आतापार्यंत ज्या -ज्या विभागाचा पदभार स्विकारला आहे, त्या प्रत्येक विभागामध्ये उल्लेखनीय कामगिरी केली आहे. त्यामुळे तुकाराम मुंढे यांच्या नावाची कायमच चर्चा सुरू असते.
परंतु सध्या तुकाराम मुंढे यांच्यापेक्षाही एका महिला आयपीएस अधिकाऱ्याची जोरदार चर्चा सुरू आहे. रूपा मौदगिल असं या आयपीएस महिला अधिकाऱ्याचं नाव आहे. तुकाराम मुंढे यांच्या तरी 21 वर्षांमध्ये 25 बदल्या झाल्या आहेत. मात्र रूपा मौदगिल यांच्या वीस वर्षांमध्ये तब्बल 40 वेळा बदली झाली आहे. त्या एक ठिकाणी सहा महिन्यापेक्षा अधिक काळ राहू शकल्या नाहीत. देशभरात त्यांच्या कार्यपद्धतीची चर्चा सुरू आहे. त्यांनी त्यावेळी थेट मध्य प्रदेशच्या तत्कालीन मुख्यमंत्र्यांना देखील अटक केली होती. गेल्या वीस वर्षांमध्ये त्यांच्या चाळीस बदल्या झाल्या, मात्र जिथे बदली झाली, तिथे त्यांनी आपल्या कामाचा धडका कायम ठेवला, गुन्हेगारांमध्ये चांगलाच वचक बसवला. त्यामुळे त्यांच्या कार्याचं आज कौतुक होत आहे.
कोण आहेत रूपा मौदगिल?
रुपा मौदगिल या कर्नाटक कॅडरच्या वर्ष 2000 च्या बॅचच्या आयपीएस अधिकारी आहेत. त्या आपल्या कामाच्या पद्धतीमुळे कायमच चर्चेत राहिल्या आहेत, अनेकदा त्यामुळे मोठा वाद देखील निर्माण झाला. त्यांनी गुन्हेगारी आणि भ्रष्टाचार याविरोधात अतिशय कडक भूमिका घेतली आहे. त्यांच्या वीस वर्षांच्या काळात त्यांची तब्बल चाळीस वेळा बदली झाली आहे. मात्र त्या जिथे गेल्या तिथे त्यांनी कामाची शैली न बदलता त्याच पद्धतीने काम सुरू ठेवलं. देशभरात त्या प्रसिद्ध आहेत.
Leave a Reply